Post News Media ព័ត៌មានសេដ្ឋកិច្ច ចិន គ្រោងវិនិ...

ចិន គ្រោងវិនិយោគ ២ពាន់លានដុល្លារ បង្កើតតំបន់សេដ្ឋពិសេស នៅខេត្តកំពង់ស្ពឺ

ចែកចាយបន្ត

ក្រុមហ៊ុន Tian Rui គ្រោងនឹងបោះទុន ២ពាន់លានដុល្លារអាមេរិក វិនិយោគលើការអភិវឌ្ឍន៍តំបន់សេដ្ឋកិច្ចពិសេស ទំហំ ៣០០ហិកតា នៅខេត្តកំពង់ស្ពឺ។ នេះបើយោងតាមសារព័ត៌មាន Xinhua ចេញផ្សាយនៅព្រឹកមិញនេះ។

លោក Shen Chen ប្រធានក្រុមហ៊ុន Tain Rui បានលើកឡើងថា ក្នុងតំបន់សេដ្ឋកិច្ចពិសេសនេះ នឹងមានឃ្លាំងស្តុក រោងចក្រវេចខ្ចប់ និងរោងចក្រកែច្នៃផលិតផលកសិកម្មជាដើម។

លោកបន្តថា ក្រោមអនុស្សរណ:យោគយល់គ្នារវាងក្រុមហ៊ុន Tain Rui និងក្រសួងកសិកម្ម ក្រុមហ៊ុន នឹងផ្តល់ព័ត៌មានថ្មីៗទៅដល់ក្រសួងពី ផលិតផលកម្មកសិកម្ម ដែលមានតម្រូវការខ្ពស់នៅក្នុងទីផ្សារប្រទេសចិន ហើយក្រសួងអាចផ្តល់ការប្រឹក្សាបន្តដល់កសិករផងដែរ។

ក្រុមហ៊ុន Tain Rui ក៏ប្តេជ្ញាទាក់ទងវិនិយោគិនចិន ឲ្យមកវិនិយោគលើរោងចក្រកែច្នៃផលិតផលកសិកម្ម ក្នុងតំបន់សេដ្ឋកិច្ចពិសេសផងដែរ។

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា កិច្ចសហប្រតិបត្តិការនេះ នឹងជួយដល់ការអភិវឌ្ឍន៍វិស័យកសិកម្មនៅកម្ពុជា ដែលនឹងជួយជម្រុញដល់ការនាំចេញ ផលិតផលកសិកម្មទៅកាន់ទីផ្សារអន្តរជាតិ ជាពិសេសគឺទីផ្សារចិន៕

14615768_1250166818354853_7337259886495478531_o