MoEYS គ្រោងបញ...

MoEYS គ្រោងបញ្ចូល សហគ្រិនភាព ទៅក្នុងប្រព័ន្ធអប់រំចាប់ពី អនុវិទ្យាល័យដល់មហាវិទ្យាល័យ

ចែកចាយបន្ត

ក្រសួងអប់រំ យុវជន និងកីឡា គ្រោងនឹងបញ្ចូល ការអប់រំសហគ្រិនភាព ចូលទៅក្នុងប្រព័ន្ធសិក្សាអប់រំ ចាប់ពីអនុវិទ្យាល័យ ដល់មហាវិទ្យាល័យ ដើម្បីបង្កើនជំនាញបច្ចេកទេស និងវិជ្ជាជីវៈរបស់យុវជន។ នេះបើយោងតាមទីភ្នាក់ងារសារព័ត៌មានជាតិ ចេញផ្សាយកាលពីម្សិលមិញ។

លោក ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា បានឲ្យដឹងពីគម្រោងនេះនៅក្នុងសិក្ខាសាលាកាលពីពេលថ្មីៗនេះ នឹងបានលើកឡើងថា ការអភិវឌ្ឍន៍យុវជន គឺជាអាទិភាពរបស់រាជរដ្ឋាភិបាលកម្ពុជា ហើយវាជាគ្រឹះសម្រាប់សង្គមសេដ្ឋកិច្ចដ៏រឹងមាំ និងការកាត់បន្ថយភាពក្រីក្រ។

ប្រទេសកម្ពុជា ជាប្រទេសដ៏ទាក់ទាញសម្រាប់វិនិយោគិន ដោយមានកម្លាំងពលកម្មជាយុវជនច្រើន ខណៈមានការបណ្តុះបណ្តាលផ្នែកបច្ចេកទេសខ្លះសម្រាប់យុវជន តែមិនទាន់គ្រប់គ្រាន់ និងទូលំទូលាយនៅឡើយ។

គួរបញ្ជាក់ថា ជំនាញសហគ្រិនភាព នឹងផ្តល់ភាពជឿជាក់ ឯករាជ្យភាព និងឆន្ទៈដល់យុវជន ក្នុងការរៀបចំខ្លួនដើម្បីចាប់យកឱកាសការងារ ក្នុងទីផ្សារដ៏ប្រកួតប្រជែងនាពេលបច្ចុប្បន្ន៕

14956515_1536341783059097_2576167214102684645_n

ចែកចាយបន្ត