កម្ពុជា ជម្រុ...

កម្ពុជា ជម្រុញជប៉ុនពន្លឿនការសិក្សាផ្លូវល្បឿនលឿនភ្នំពេញ-បាវិត តម្លៃ ២ពាន់លានដុល្លារ

ចែកចាយបន្ត

រដ្ឋមន្រ្តីក្រសួងសាធារណការ និងដឹកជញ្ជូនកម្ពុជា បានស្នើឲ្យប្រទេសជប៉ុន ពន្លឿនដំណើរការនៃការសិក្សាលទ្ធភាពសាងសង់ ផ្លូវល្បឿនលឿនភ្នំពេញ-បាវិត ដែលនឹងចំណាយទុនសាងសង់ប្រមាណ ២ពាន់លានដុល្លារអាមេរិក នឹងរយៈពេល ១០ឆ្នាំ។ នេះបើយោងតាមគេហទំព័រហ្វេសប៊ុកផ្លូវការរបស់ក្រសួងសាធារណការ នឹងដឹកជញ្ជូន ចេញផ្សាយកាលពីម្សិលមិញនេះ។

លោក Ryosei Tanaka រដ្ឋមន្រ្តីក្រសួងដែនដី ហេដ្ឋារចនាសម្ព័ន្ធ ការដឹកជញ្ជូន និងទេសចរណ៍ជប៉ុន បានជួបពិភាក្សាការងារជាមួយលោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ នឹងដឹកជញ្ជូន អំពីមធ្យោបាយនៃការពង្រឹង និងពង្រីកកិច្ចសហប្រតិបត្តិការលើការអភិវឌ្ឍហេដ្ឋារចនាសម្ព័ន្ធរវាងកម្ពុជានិងជប៉ុន។

លោក ស៊ុន ចាន់ថុល បានកោតសរសើរ និងសម្តែងការដឹងគុណយ៉ាងជ្រាលជ្រៅ ចំពោះការគាំទ្រ របស់រាជរដ្ឋាភិបាលជប៉ុន ព្រមទាំងស្នើឲ្យជប៉ុនពន្លឿនការសិក្សាគម្រោងផ្លូវល្បឿនលឿននេះ ដើម្បីកសាងផ្លូវឲ្យបានឆាប់រហ័សតាមតែអាចធ្វើទៅបាន។

គម្រោងផ្លូវល្បឿនលឿននេះ នឹងក្លាយជាកាតាលីករ កាត់បន្ថយគ្រោះថា្នក់ចរាចរណ៍ និងជម្រុញការទាក់ទាញភ្ញៀវទេសចរ ជាពិសេសគឺសម្រួលដល់ការដឹកជញ្ជូនបានកាន់តែច្រើន។

គួរជម្រាបផងដែរថា គម្រោងផ្លូវល្បឿនលឿននេះ គ្រោងចំណាយទឹកប្រាក់ប្រមាណ ២ពាន់លានដុល្លារអាមេរិក ក្រោមជំនួយហិរញ្ញប្បទានរបស់រាជរដ្ឋាភិបាលជប៉ុន ដែលគ្រោងបញ្ចប់ការសាងសង់មុនឆ្នាំ ២០៣០ ហើយគម្រោងនេះ នឹងជួយលើកស្ទួយដល់សេដ្ឋកិច្ចប្រទេសកម្ពុជាផងដែរ៕

15027659_606182096232801_6100285959605963069_n 13606884_545002312350780_16051906846957296

ចែកចាយបន្ត