ចិន បោះទុនជាក...

ចិន បោះទុនជាកញ្ចប់ ២ពាន់លានដុល្លារ លើវិស័យកសិកម្ម នៅខេត្តកំពង់ស្ពឺ

ចែកចាយបន្ត

គម្រោងបោះទុនជាកញ្ចប់ របស់ក្រុមហ៊ុនចិន នឹងបោះទុនវិនិយោគលើវិស័យកសិកម្ម ប្រមាណ ២ពាន់លានដុល្លារអាមេរិក នៅលើផ្ទៃដីប្រមាណ ៣០០ហិកតា នៅខេត្តកំពង់ស្ពឺ។ នេះបើយោងតាមគេហទំព័រ ក្រសួងកសិកម្ម រុក្ខាប្រមាញ់ និងនេសាទ ចេញផ្សាយកាលពីម្សិលមិញនេះ។

លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានធ្វើទស្សនៈកិច្ចផ្លូវការជាកញ្ចប់ នៅសាធារណរដ្ឋប្រជាមានិតចិន និងបានទាក់ទាញវិនិយោគិនចិន ទាំងរដ្ឋ និងឯកជន ឲ្យមកវិនិយោគលើវិស័យកសិកម្មនៅកម្ពុជា។

លោកបានបង្ហាញពីស្ថានភាពពិត និងឱកាសនៃការវិនិយោគក្នុងវិស័យកសិកម្មកម្ពុជា ហើយទទួលបានការគាំទ្រយ៉ាងធំធេង ពីសំណាក់វិនិយោគិន ក្នុងការវិនិយោគលើការផ្តល់បច្ចេកវិទ្យា ការធ្វើទំនើបកម្មកសិកម្ម ការកសាងហេដ្ឋារចនាសម្ព័ន្ធចង្វាក់ផលិតកម្មកសិកម្ម ក្នុងការវេចខ្ចប់ផលិតផលសម្រាប់នាំចេញ ជាដើម។

ក្រុមហ៊ុនចិនសំខាន់ៗ ដែលនឹងមកវិនិយោគនៅកម្ពុជា រួមមាន៖

ក្រុមហ៊ុនរដ្ឋ SINO SURE ទទួលបន្ទុកការនាំចេញ និងធានារ៉ាប់រងនៃការផ្តល់ឥណទានវិនិយោគក្រៅប្រទេស

ក្រុមហ៊ុនរដ្ឋ Guang Dong Nong Ken វិនិយោគលើការដាំដុះដំណាំកៅស៊ូ នៅកម្ពុជា

ក្រុមហ៊ុន អានហ៊ួយ Easy Biz ទទួលបន្ទុកការនាំចូលផលិតផលកសិកម្មកម្ពុជា តាមប្រព័ន្ធ E-Government

ក្រុមហ៊ុន Golden Concord Holdings Limited វិនិយោគលើការទាញថាមពលពន្លឺព្រះអាទិត្យ យកមកប្រើប្រាស់។ល។

គួរជម្រាបផងដែរថា កិច្ចការនេះ ត្រូវការពេលវេលាច្រើន ដើម្បីឈានទៅសម្រេចនូវបំណងប្រាថ្នារបស់ប្រជាជន និងរាជរដ្ឋាភិបាលកម្ពុជា ដែលទាមទារឲ្យមានភាពអត់ធ្មត់ ការសហការគ្នា មានភាពស្មោះត្រង់ និងមានប្រសិទ្ធភាពការងារក្នុងការអនុវត្តគម្រោងនេះ៕

15123299_1282717718433096_6351008204459029274_o

ចែកចាយបន្ត