Tuesday, ទី19 March, ឆ្នាំ2013 16:07 pm
បាដាដ: មនុស្សប្រហែលដល់ទៅ20នាក់បានស្លាប់នៅក្នុងការវាយប្រហារផ្សេងគ្នាក្នុងទីក្រុងបាដាដហើយ97នាក់ផ្សេងទៀតរងរបួសផងកាលពីព្រឹកមិញនេះ។
នៅចំកណ្តាលទីក្រុងបាដាដតែម្តងឡានជាច្រើនគ្រឿងបានខូចខាតខ្ទេចខ្ទីទាំងស្រុងក្នុងការបំផ្ទុះគ្រាប់បែកដែលបានវាកើតឡើងនៅក្នុងខណ្ឌShiiteដែលជាទីកន្លែងដែលប្រមូលផ្តុំទៅដោយមនុស្សជាច្រើនកុះករ។ប្រភពអនាមិកមួយពីមន្ត្រីនៃក្រសួងការពារជាតិនៃប្រទេសបានរាយការណ៍ថាមនុស្ស15នាក់ស្លាប់និង73នាក់ទៀតរបួសនៅក្នុងហេតុការណ៍នេះ។
ប្រភពអនាមិកនៅក៏បានបន្ថែមទៀតថាក្នុងថ្ងៃជាមួយគ្នានេះមនុស្សពីរនាក់ទៀតត្រូវបានបំផ្ទុះស្លាប់ក្នុងឡានរបស់ខ្លួនដោយគ្រាប់បែកដែលបានដាក់បំពាក់ក្នុងឡានខ្លួននៅក្នុងតំបន់ភាគខាងលិចនៃប្រទេសទីក្រុងបាដាដក្នុងពេលដែលជនរងគ្រោះទីបីដែលបានស្លាប់ដោយការបាញ់ប្រហារនាភាគខាងត្បូងនៃទីក្រុងនេះដេរ។
ស្ថិតក្នុងហេតុការណ៍ផ្សេងគ្នាមួយទៀតដែលបានបំផ្ទុះកំទេចរថយន្តហើយបង្កឲ្យមានជនរងគ្រោះថ្នាក់ដល់ទៅ10នាក់ផងដែរ។ចំណែករបាយការណ៍មួយផ្សេងទៀតដែលបានមកពីប៉ូលីសក្នុងស្រុកម្នាក់បាននិយាយថាទាហានចំនួន4នាក់បានរងរបួសពីការបំផ្ទុះឡានមួយនៅក្បែរកន្លែងប៉ុស្តិត្រួតពិនិត្យស្ថិតនៅប្រហែល40គីឡូម៉ែតពីទីក្រុងបាដាដ។នៅមានមនុស្ស2នាក់ទៀតដែលបានស្លាប់និង10នាក់រងគ្រោះថ្នាក់ក្នុងការបំផ្ទុះរថយន្តដែលផ្ទុកទៅដោយគ្រាប់បែកហើយបានបើកសម្រុកចូលទៅក្នុងមូលដ្ឋានទ័ពរបស់អ៊ីរ៉ាក់ដែលមានទីតាំងនៅក្នុងតំបន់ក្រុងIskandariyahចំងាយ50គីឡូម៉ែតពីបាដាដ។
ចំនួននៃអ្នកស្លាប់មិនអាចកំណត់ឲ្យបានជាក់លាក់នៅឡើយទេព្រោះក្នុងពេលដែលកើតមានឡើងនូវហេតុការណ៍នេះមានរថយន្តសង្គ្រោះជាច្រើនផ្សេងគ្នាដឹកនាំអ្នករងគ្រោះទៅមន្ទីរពេទ្យផ្សេងៗគ្នាដែរ។
អំពើហិង្សានិងការបាញ់ប្រហារតាមគ្រប់រូបភាពហាក់ដូចជាបានញាំញីអ៊ីរ៉ាក់ដដែលៗជារឿយៗបើទោះជាវិនាសកម្មទាំងនោះដូចជាមានភាពធូរស្រាលជាងកាលពីឆ្នាំ2006និង2007ដែលជាឆ្នាំកលយុគបំផុតរបស់ប្រទេសអ៊ីរ៉ាក់៕
