គ្រោះថ្នាក់ដែ...

គ្រោះថ្នាក់ដែរទេ បើប្រើថ្នាំអង់ទីប៊ីយោទិកក្នុងពេលមានផ្ទៃពោះ?

ចែកចាយបន្ត

បរទេសៈ ក្នុងអំឡុងពេលមានផ្ទៃពោះ ស្ត្រីអាចមានអាការចាញ់កូន, ជំងឺហើមពោះ, ទល់លាមក, ឈឺខ្នង, ឡើងទម្ងន់, ហើមផ្នែកផ្សេងៗនៃរាងកាយ.ល.។

លើសពីនេះទៅទៀត អាការធំជាងគេ គឺការប្រែប្រួលអារម្មណ៍, ធុញថប់, ឆាប់ខឹង.ល. ដែលត្រូវបានបង្កឡើងដោយសារតែអ័រម៉ូន។

ដូច្នេះហើយទើបស្ត្រីមានផ្ទៃពោះទាំងឡាយតែងតែត្រូវការថ្នាំអង់ទីប៊ីយោទិក (Antibiotics) ដើម្បីជួយប្រយុទ្ធប្រឆាំងនឹងជំងឺទាំងអស់នេះ។

តើថ្នាំអង់ទីប៊ីយោទិកជាអ្វី?
ថ្នាំអង់ទីប៊ីយោទិក ជាថ្នាំសម្រាប់កម្ចាត់ការឆ្លងមេរោគ និងជំងឺដែលបង្កឡើងដោយសារតែបាក់តេរី និងមីក្រុបផ្សេងៗទៀត ឧទាហរណ៍ ជំងឺផ្កាសាយ, ការឆ្លងមេរោគផ្សិត, ការឆ្លងបាក់តេរី.ល.។

នៅពេលដែលថ្នាំនេះចូលទៅក្នុងរាងកាយហើយ វាអាចសម្លាប់មីក្រុបដែលបង្កឲ្យមានជំងឺ ឬរារាំងដល់ការដល់ការលូតលាស់របស់ពួកវា។

ជាធម្មតាថ្នាំអង់ទីប៊ីយោទិក ត្រូវបានគ្រូពេទ្យកំណត់ចំនួនប្រើប្រាស់ តែមិនអាចប្រើរំលងបានឡើយ បើពុំដូច្នោះទេ វានឹងកាត់បន្ថយប្រសិទ្ធភាព។ ប៉ុន្តែថ្នាំអង់ទីប៊ីយោទិក ក៏សម្បូរទៅដោយសារធាតុគីមី បង្កឲ្យមានផលប៉ះពាល់មួយចំនួនផងដែរ។

ការប្រើថ្នាំអង់ទីប៊ីយោទិក ក្នុងពេលមានផ្ទៃពោះ
ជំងឺមិនដែលលើកលែងឲ្យអ្នកណានោះឡើយ សូម្បីតែអ្នកមានផ្ទៃពោះក៏ដោយ។ ក្នុងពេលមានផ្ទៃពោះស្ត្រីអាចកើតមានជំងឺផ្កាសាយ, ឆ្លងមេរោគផ្សិត ឬជំងឺដែលបង្កឡើងដោយបាក់តេរី ហើយប្រសិនបើកម្រិតនៃការឆ្លងមេរោគខ្ពស់ពេក ត្រូវទាមទារឲ្យប្រើប្រាស់ថ្នាំអង់ទីប៊ីយោទិក។

បើដូច្នោះមែន តើថ្នាំអង់ទីប៊ីយោទិកមានសុវត្ថិភាពទេសម្រាប់ស្ត្រីមានផ្ទៃពោះ?
ការស្រាវជ្រាវបានអះអាងថា ប្រភេទថ្នាំអង់ទីប៊ីយោទិកមួយចំនួនអាចបង្កើនហានិភ័យវិវត្តទោរកជំងឺហឺត បន្ទាប់ពីទារកចាប់កំណើត។

ហេតុនេះរឿងសំខាន់ អ្នកគួរតែប្រឹក្សាជាមួយនឹងគ្រូពេទ្យ មុននឹងប្រើប្រាស់ថ្នាំ ហើយត្រូវប្រើកម្រិតទាបបំផុតបើសិនជាចាំបាច់។

មួយវិញទៀត ថ្នាំនេះត្រូវបានគេជឿថា មានសុវត្ថិភាពចំពោះស្ត្រីមានផ្ទៃពោះបន្ទាប់ពីត្រីមាសទី៣ តែទោះជាយ៉ាងណាអ្នកគួរតែធ្វើតាមវេជ្ជបញ្ជារបស់គ្រូពេទ្យ៕

antibiotics-pregnancy

ចែកចាយបន្ត