Post News Media ព័ត៌មានសុខភាព សម្រាលកូនម្តង...

សម្រាលកូនម្តងហើយ តើទ្វារមាសបាត់បង់ភាពតឹងណែនរហូតមែនទេ?

ចែកចាយបន្ត

បរទេស: ការផ្តល់កំណើតឲ្យកូនតាមបែបធម្មជាតិ ត្រូវបានគេទទួលស្គាល់ថា ពិតជាល្អជាងអ្នកដែលសម្រាលកូនដោយវះកាត់។ ប៉ុន្តែស្ត្រីស្ទើរតែ ១០០% មានការបារម្ភចំពោះភាពធូររលុងនៃទ្វារមាស ក្រោយពេលសម្រាលតាមបែបធម្មជាតិហើយ។

តើការសម្រាលកូនតាមបែបធម្មជាតិមានផលប៉ះពាល់អ្វីខ្លះដល់ទ្វារមាស?
ក្នុងអំឡុងពេលសម្រាល ទារកត្រូវបានរុញចេញពីទ្វារមាសតាមរយ:ស្បូន ដូច្នេះទ្វារមាស និងស្បូនត្រូវបើកផ្លូវឲ្យធំ ដើម្បីងាយស្រួលទារកចេញមក។ ជាធម្មតាស្បូនអាចពង្រីក និងលាតសន្ធឹងរហូតដល់ទៅ ៥សង់ទីម៉ែត្រក្នុងពេលសម្រាល។

ការពង្រីកទ្វារមាសអាចក្លាយទៅជាធូររលុងជាបណ្តោះអាសន្ន ឬមានរយ:ពេលយូរ អាស្រ័យទៅលើអាយុរបស់អ្នកម្តាយ។ ការរលុងទ្វារមាសមិនបង្កឲ្យមានផលវិបាកដល់សុខភាពណាមួយនោះឡើយ តែវាអាចប៉ះពាល់ដល់ទំនាក់ទំនងស្នេហាជាមួយដៃគូ។

ស្ត្រីជាច្រើនបានត្អូញត្អែថា ក្រោយពេលសម្រាលកូនម្តងហើយ ដៃគូរបស់ពួកគេមិនសូវរីករាយក្នុងការរួមភេទនោះទេ នេះដោយសារតែទ្វារមាសបាត់បង់ភាពតឹងណែន។

តាមការសន្និដ្ឋានបង្ហាញថា ស្ត្រីជាច្រើនបាត់បង់ភាពតឹងណែន បន្ទាប់ពីសម្រាលកូនតាមបែបធម្មជាតិ ប៉ុន្តែមិនមែនបាត់បង់ជារៀងរហូតនោះទេ។ ដូច្នេះហើយ អ្នកជំនាញជំរុញឲ្យស្ត្រីយកចិត្តទុកចំពោះលំហាត់ប្រាណសាច់ដុំទ្វារមាស ដើម្បីឆាប់ទទួលបានភាពតឹងណែនត្រឡប់មកវិញ៕

vagina-lose-tightness