ចង់មានសុខភាពល...

ចង់មានសុខភាពល្អ ហើយមិនងាយឈឺ ប្រុសៗកុំរំលងផ្លែឈើ៤មុខនេះឲ្យសោះ

ចែកចាយបន្ត

បរទេសៈ នរណាៗក៏ចង់មានសុខភាពល្អដែរ ក៏ប៉ុន្តែប្រសិនបើអ្នកមិនចេះថែរក្សាខ្លួនទាំងការរស់នៅ ឬហូបចុកឲ្យបានត្រឹមត្រូវនោះទេ ច្បាស់ជាក្លាយជាទាសកររបស់ជំងឺជាពុំខាន។ ជាពិសេសចំពោះប្រុសៗ ប្រសិនបើចង់ឲ្យរាងកាយមាំមួន ហើយមិនងាយឈឺ គួរតែបញ្ចូលផ្លែឈើទាំង៤មុខនេះជារបបអាហារប្រចាំថ្ងៃ។

ផ្លែប៊ឺរ៖ ជាមធ្យមផ្លែប៊ឺរមានសារធាតុចិញ្ចឹម ២០ប្រភេទផ្សេងៗគ្នា រួមទាំង ២៥០កាឡូរី, ជាតិសរសៃ ១០ក្រាម, ខ្លាញ់ Monounsaturated ១៥ក្រាម។ ការរួមបញ្ចូលគ្នានៃសមាសធាតុទាំងនេះ ធ្វើឲ្យផ្លែប៊ឺ គឺល្អបំផុតសម្រាប់កសាងសាច់ដុំ។

ទន្ទឹមនឹងនេះផងដែរ ផ្លែប៊ឺរអាចជួយក្នុងការស្រូបយកសារធាតុ Carotenoid ដែលអាចប្រឆាំងអុកស៊ីតកម្មរហូតដល់ទៅ ១៥ដង។ សមាសធាតុទាំងអស់នេះ ពិតជាមានសារៈសំខាន់សម្រាប់ការរីកលូតលាស់របស់កោសិកា និងគាំទ្រដល់ប្រព័ន្ធភាពស៊ាំឲ្យមានសុខភាពល្អ។

ចេក៖ ប្រសិនបើអ្នកបរិភោគផ្លែចេកនៅពេលព្រឹក អាចជួយបង្កើនកម្រិតថាមពលនៃសាច់ដុំ ព្រោះតែវាសម្បូរទៅដោយ កាបូអ៊ីដ្រាត។

ផ្លែប៉ោម៖ ផ្លែប៉ោមមានផ្ទុកអាស៊ីត ursolic ដែលដើរតួនាទីបង្កើនល្បឿនដុតបំផ្លាញ់ជាតិខ្លាញ់ និងបង្កើនសាច់ដុំឆ្អឹង។ ជាមួយនឹងជាតិស្ករទាបផ្លែឈើជាច្រើនទៀត ការទទួលទានផ្លែប៉ោមមួយផ្លែជាអាហារសម្រន់ គឺល្អបំផុតសម្រាប់រាងកាយ។

ឪឡឹក៖ អ្នកត្រូវតែដឹងថា ឪឡឹកសម្បូរទៅដោយសារធាតុសំខាន់ៗជាច្រើន ដែលចាំបាច់បំផុតសម្រាប់បុរស ព្រោះវាធ្វើឲ្យប្រសើរឡើងនូវលំហូរឈាមសាច់ដុំ, ជួយឲ្យជួសជុលសាច់ដុំ ឡើងវិញ បន្ទាប់ពីធ្វើលំហាត់ប្រាណ៕

fruits-men-healthy

ចែកចាយបន្ត