Post News Media ព័ត៌មានសុខភាព ខ្ទឹមសលាយទឹកដ...

ខ្ទឹមសលាយទឹកដោះគោ អាចព្យាបាលជំងឺដ៏មានគ្រោះថ្នាក់រាប់មុខ

ចែកចាយបន្ត

បរទេស: ខ្ទឹមសមិនត្រឹមតែជាគ្រឿងទេសសម្រាប់បង្កើនរស់ជាតិម្ហូបឲ្យកាន់តែឆ្ងាញ់ពិសានោះទេ វាថែមទាំងជាឱសព្យាបាលជំងឺដ៏មានប្រសិទ្ធភាព។ មិនថា ជំងឺហឺត, ជំងឺរលាកសួត, ជំងឺរបេង, បេះដូងមានបញ្ហា, គេងមិនលក់, ជំងឺរលាកសន្លាក់, ជំងឺក្អក និងជំងឺផ្សេងៗមួយចំនួនទៀតក៏អាចព្យាបាលបានដែរ។

របៀបផ្សំខ្ទឹមសជាមួយនឹងទឹកដោះគោ៖
– ទឹកដោះគោ ៥០០មីលីលីត្រ
– ខ្ទឹមសបកសំបកឲ្យស្អាត ១០កំពឹស និងចិញ្ច្រាំឲ្យម៉ត់
– ស្ករ ២ ឬ ៣ស្លាបព្រាកាហ្វេ
– ទឹក ២៥០មីលីលីត្រ

ការរៀបចំ៖
– ចាប់ផ្តើមចាក់ទឹក និងទឹកដោះគោចូលទៅក្នុងឆ្នាំមួយដុតភ្លើងឲ្យពុះ។
– បន្ទាប់មកដាក់ខ្តឹមសចូល រួចរម្ងាស់បន្តទៀតដោយប្រើភ្លើងតិចៗរហូតដល់ល្បាយរីងទឹកអស់ពាក់កណ្តោល ទើបលើកចុះ។
– នៅពេលដែលល្បាយនេះត្រជាក់បន្តិច សឹមបន្ថែមស្ករ ហើយទទួលទានពេលនៅក្តៅឧណ្ឌៗ។

ខាងក្រោមនេះ គឺជាអត្ថប្រយោជន៍នៃការផ្សំល្បាយខ្ទឹមសទឹកដោះគោ៖

ជំងឺហឺត៖ ប្រសិនបើអ្នកញ៉ាំខ្ទឹមសបីកំពឹសជារៀងរាល់យប់ អ្នកនឹងឃើញជំងឺហឺតចាប់ផ្តើមធូរស្រាលបន្តិចម្តងៗ។

ជំងឺរលាកសួត៖ ប្រសិនបើអ្នកញ៉ាំទឹកដោះល្បាយនេះបីដងជាប្រចាំថ្ងៃ អ្នកនឹងអាចព្យាបាលជំងឺសួតបានដោយជោគជ័យ។

បញ្ហាបេះដូង៖ ល្បាយនេះមានសមត្ថភាពកាត់បន្ថយកម្រិតកូឡេស្តេរ៉ុលអាក្រក់ដែលរារាំងដល់ដំណើរការឈាម និងធ្វើឲ្យឈាមរត់បានស្រួល។ ប្រសិនបើអ្នកទទួលទានល្បាយនេះទៀងទាត់ បញ្ហាបេះដូងនឹងត្រូវបានកាត់បន្ថយយ៉ាងខ្លាំង។

ព្យាបាលជំងឺកើតលឿង៖ ប្រសិនបើអ្នកទទួលទានល្បាយនេះជាបួនទៅប្រាំថ្ងៃ អាចព្យាបាលជំងឺខាន់លឿងបាន។

ជំងឺសន្លាក់៖ ប្រសិនបើអ្នកប្រើប្រាស់ល្បាយនេះជារៀងរាល់ថ្ងៃ ជំងឺរលាក, ការរលាកសន្លាក់ ព្រមទាំងការឈឺចាប់ នឹងឆាប់ជាសះស្បើយ។

គេងមិនលក់៖ ការទទួលទានល្បាយមួយនេះ នឹងជួយកាត់បន្ថយបញ្ហានៃការគេងមិនលក់យ៉ាងមានប្រសិទ្ធភាព។

ក្អក៖ ការបន្ថែមម្សៅរមៀតមួយមុខទៀតទៅក្នុងល្បាយនេះ វានឹងក្លាយទៅជាភេសជ្ជ:ដ៏ល្អបំផុតសម្រាប់ព្យាបាលជំងឺក្អក។

ជំងឺរបេងសួត៖ សមាសធាតុស្ពាន់ធ័រក្នុងខ្ទឹមធ្វើឲ្យភេសជ្ជ:នេះមានប្រសិទ្ធភាពបំផុតក្នុងការប្រឆាំងនឹងជំងឺរបេងសួត។ អ្នកអាចប្រើខ្ទឹមស ១ក្រោម, ទឹកដោះគោ ២៤០មីលីលីត្រ និងទឹកមួយលីត្រ យកទៅដាំឲ្យរីងនៅសល់តែមួយភាគបួន។ បន្ទាប់មកអ្នកត្រូវទទួលទាន ៣ដងជារៀងរាល់ថ្ងៃ។

កាត់បន្ថយកូឡេស្តេរ៉ុល៖ ប្រសិនបើអ្នកទទួលទានល្បាយនេះពេញមួយសប្តាហ៍ កូឡេស្តេរ៉ុលអាក្រក់នឹងត្រូវបានកម្ចាត់ចោល ហើយកូឡេស្តេរ៉ុលល្អនឹងកើតឡើងវិញ។

ជួយដល់ប្រព័ន្ធរំលាយអាហារ៖ ឱសថមួយនេះពិតជាមានអនុភាពខ្លាំងណាស់ក្នុងបង្កើនប្រព័ន្ធភាពស៊ាំ ព្រមទាំងរក្សាសុខភាពរំលាយអាហារ។ មិនតែប៉ុណ្ណោះ វាអាចបំបាត់កាកសំណល់ពុលចេញពីរាងកាយ និងព្យាបាលជំងឺរាគរួស។

ជំងឺងាប់លិង្គ៖ ល្បាយដែលផ្សំឡើងពីខ្ទឹមសទឹកដោះគោ ក៏អាចព្យាបាលជំងឺងាប់លិង្គផងដែរ។ លើសពីនេះទៅទៀតការបរិភោគខ្ទឹមសរាល់ថ្ងៃ អាចជួយការពារបញ្ហាគ្មានកូនទាំងបុរសទាំងស្ត្រី។

ឈឺចាប់តំបន់ត្រគាក៖ អត្ថប្រយោជន៍ចុងក្រោយនៃល្បាយមួយនេះ គឺអាចព្យាបាលបញ្ហាឈឺសរៃប្រសាទត្រង់តំបន់ត្រគាក។ អ្នកអាចទទួលទានល្បាយនេះក្រោយពេលមករដូវ នឹងអាចកាត់បន្ថយការឈឺចាប់យ៉ាងមានប្រសិទ្ធិភាព។

ចំណាំ៖ ត្បិតតែល្បាយនេះមានប្រសិទ្ធភាពព្យាបាលជំងឺរាប់មុខក៏ពិតមែន ប៉ុន្តែអ្នកគួរតែទៅពិគ្រោះសុំយោបល់ពីគ្រូពេទ្យសិន៕

milk-and-garlic