Post News Media ព័ត៌មានសុខភាព មិនបាច់អស់លុយ...

មិនបាច់អស់លុយទៅពេទ្យ គ្រាន់តែមើល​ក្រចកដៃ​ក៏ដឹងថា​ឈឺអីដែរ

ចែកចាយបន្ត

ក្រចកដៃ អាចបង្ហានូវរោគសញ្ញាទាក់ទងទៅនឹងបញ្ហាសុខភាពផ្សេងៗ តែមនុស្សភាគច្រើនតែងមើលរំលង។ ក្រចកមិនត្រឹមតែ​សោភណ្ឌភាព​មួយដែល​ធ្វើឲ្យដៃ និងជើងមានភាពស្រស់ស្អាតប៉ុណ្ណោះទេ ប៉ុន្តែវាក៏អាចប្រាប់ពីបញ្ហាសុខភាពនៅក្នុងខ្លួនរបស់អ្នកដែរ។

ក្រចក ស្ងួត ប្រេះ ឬផុយ
ការប្រើប្រាស់ទឹកថ្នាំលាបក្រចកច្រើនហួសកម្រិត ការលាងចានដោយមិនពាក់ស្រោមដៃ ការរស់នៅកន្លែងដែលមានសំណើមទាប សុទ្ធតែបង្កឲ្យក្រចករបស់អ្នក មានសភាព ស្ងួត ប្រេះ ឬផុយ។ នេះហើយ ជាសញ្ញាដែលបង្ហាញថា អ្នកកំពុងឆ្លងមេរោគផ្សិត។

ក្រចកដៃក្រាស់ ដូចក្រចកជើង
ប្រសិនបើនក្រចកដៃមានសភាពក្រាស់ ស្រដៀងទៅនឹងក្រចកជើងដែរនោះ មានន័យថាអ្នកកំពុងតែកើតមានជំងឺសួត ជំងឺស្បែក ឬក៏មានការឆ្លងមេរោគផ្សិតផងដែរ។

ក្រចងពណ៌សស្លេក ហើមមូល
ក្រចកប្រភេទនេះ កើតឡើងនៅពេលចុងម្រាមដែលហើម ហើយមានរាងកោង មូល ឬប៉ោង។ នេះអាចជាសញ្ញានៃជំងឺ តម្រងនោម ថ្លើម រលាកពោះវៀន ឬធ្ងន់ធ្ងរជាងនេះ គឺជាជំងឺអេដស៍។


ក្រចក ពណ៌ខ្មៅ មានឆ្នូតៗបញ្ឈរ

ក្រចក មានឆ្នូតៗបញ្ឈរ ជារឿងធម្មតាណាស់សម្រាប់មនុស្សទូទៅ តែបើមានពណ៌ខ្មៅ នៅពីលើថែមទៀត វាអាចជាសញ្ញានៃជំងឺមហារីកស្បែកដ៏សាហាវមួយប្រភេទ។


រាងពក អង្កាញ់កាត់ទទឹងលើក្រចក

វាអាចត្រូវបានបង្កឡើងដោយសារ ការប៉ះទង្គិចផ្លូវចិត្ត ហើយប្រសិនបើអ្នករកឃើញ ពួកវានៅលើម្រាមដៃច្រើនជាងមួយ វាអាចបង្ហាញពីបញ្ហាសុខភាពធ្ងន់ធ្ងរជាច្រើន។
មូលហេតុមួយទៀតនៃក្រចកប្រភេទនេះ អាចជាប្រតិកម្មថ្នាំ ពីការព្យាបាលដោយសារធាតុគីមីណាមួយ។

ពក អង្កាញ់ រាងបញ្ឈរៗលើក្រចក
ប្រសិនបើអ្នកមានករណី ពក អង្កាញ់ រាងបញ្ឈរៗលើក្រចក ជាសញ្ញានៃភាពចាស់ ដែលអាចបង្កពីជំងឺទីរ៉ូអ៊ីត ភាពតានតឹង ការផ្លាស់ប្តូរអ័រម៉ូន ឬជំងឺទឹកនោមផ្អែម។


ពណ៌ចម្លែកៗ លើក្រចក

ក្រចកដៃ ដែលមានសុខភាពល្អ គឺមានពណ៌ផ្កាឈូក។ ខណ:ក្រចកដៃដែលស្រអាប់ស្លេកៗ មានន័យថាកង្វះវីតាមីន។ ពណ៌បៃតង បង្ហាញពីការឆ្លងមេរោគបាក់តេរី។ រីឯមនុស្សដែលជំងឺថ្លើម ហើយមានក្រចកក្រហម កំពុងប្រឈមនឹងជំងឺបេះដូង។ មួយវិញទៀត ក្រចកដែលមានស្នាមខៀវព្រឿងៗ អាចបង្ហាញពី កម្រិតអុកស៊ីសែនទាបនៅក្នុងឈាមរបស់អ្នក។

ក្រចក ដូចស្លាបព្រាបាយ
ក្រចកដែលមានរាង ក្រផតកណ្តាលដូចស្លាបព្រា គឺជាសញ្ញានៃការកង្វះជាតិដែក ឬជំងឺបេះដូង។

ក្រចក មានរន្ធតូចៗ
រន្ធតូចៗដែលកើតមានលើដៃរបស់អ្នក អាចនឹងរលាយបាត់ដោយខ្លួនឯង។ តែប្រសិនបើជាកើតមានជាអចិន្រ្តៃយ៍ នោះវាអាចជាសញ្ញា នៃជំងឺស្បែករបកក្រហម ឬជំងឺជាលិកា ដែលមានបញ្ហាលើប្រព័ន្ធភាពស៊ាំរបស់រាង្គកាយ ឧទាហរណ៍ ការជ្រុះសក់។ មួយវិញទៀត បើមានរន្ធនេះនៅចំផ្នែកកណ្តាលនៃក្រចក វាអាចជាសញ្ញានៃកង្វះស័ង្កសីផងដែរ។


ផ្កាក្រចក

តាមជំនឿតៗគ្នាមក អ្នកដែលមានផ្កាក្រចក គឺអាចបង្ហាញពីលាភសំណាង មានលុយចាយច្រើន ឬមានមុនស្នេហ៍ជាដើម។ តែតាមលក្ខណ:វិជ្ជសាស្រ្តវិញ ផ្កាក្រចកជាសញ្ញាបង្ហាញពី ការខ្វះជាតិកាស្យូម ខ្វះចំណង់លើការទទួលទានអាហារ និងប្រព័ន្ធភាពស៊ាំចុះខ្សោយ៕