Post News Media ព័ត៌មានសុខភាព ប្រយត្ន! មួយថ...

ប្រយត្ន! មួយថ្ងៃមានមនុស្ស៣០នាក់ដែល​ខ្វាក់​ភ្នែក​ដោយសារ​តែ​ទង្វើមួយនេះ

ចែកចាយបន្ត

ក្នុងរយ:ពេល ១០ឆ្នាំចុងក្រោយនេះ ការប្រើប្រាស់ឧបករណ៍ស្មាតហ្វូនកំពុងតែមានការកើនឡើងយ៉ាងខ្លាំងនៅជុំវិញពិភពលោក។ ដោយសារតែវាបានផ្តល់នូវកម្មវិធីមានប្រយោជន៍ជាច្រើនដូចជាង Skype ឬ Whatsapp ដែលអនុញ្ញាឲ្យអ្នកប្រើប្រាស់និយាយ និងមើលមុខគ្នាទៅវិញទៅមកដោយមិនបាច់ចំណាយប្រាក់ដូចជាការតេទូរសព្ទឡើយ។

ជាពិសេសឧបករណ៍ ស្មាតហ្វូន និង Tablet បានក្លាយទៅជាតម្រូវការចាំបាច់នៅក្នុងសង្គមសម័យទំនើបនេះ ប៉ុន្តែតើអ្នកធ្លាប់សួរខ្លួនឯងទេ ថាការប្រើប្រាស់ឧបករណ៍អេឡិចត្រូនិចទាំងនេះពិតជាគ្មានផលប៉ះពាល់? បើយោងតាមគេហទំព័រ justnaturallife បានចុះផ្សាយថា ការប្រើប្រាស់ទូរសព្ទមុនពេលចូលគេងដោយបិទភ្លើងងងឹងឈឹង អាចបណ្តោលឲ្យមានគ្រោះថ្នាក់ធ្ងន់ធ្ងរដល់ភ្នែក។ ការលេងទូរសព្ទមុនពេលចូលគេង បានក្លាយទៅជាទម្លាប់អាក្រក់មួយសម្រាប់មនុស្សរាប់លាននាក់នៅទូទាំងពិភពលោក។

ថ្មីៗនេះ អ្នកវិទ្យាសាស្ត្របានធ្វើការសិក្សាទៅលើស្ត្រីដែលមានអាយុចន្លោះចាប់ពី ២២ ទៅ ៤៥ឆ្នាំ បានរកឃើញថា ពួកគេប្រឈមនឹងបញ្ហាភ្នែកមើលមិនច្បាស់ ហើយបើធ្ងន់ធ្ងរអាចពិការតែម្តង។ មិនតែប៉ុណ្ណោះ អ្នកវិទ្យាសាស្ត្របានរកឃើញទៀតថា ក្នុងមួយថ្ងៃមានមនុស្សច្រើនជាង ៣០នាក់នៅទូទាំងពិភពលោក ដែលខ្វាក់ភ្នែកជារៀងរាល់ថ្ងៃ។

ការលេងទូរសព្ទពេលយប់គ្មានពន្លឺគ្រប់គ្រាន់ ធ្វើឲ្យពន្លឺនៃទូរសព្ទជះចំផ្ទៃមុខរបស់អ្នកប្រើប្រាស់ពេញទំហឹង ហើយប្រសិនជាបើអ្នកសម្លឹងចំពន្លឺនេះច្បាស់ជាស្រវាំងភ្នែកភ្លាម។ ទម្លាប់អាក្រក់មួយនេះជាញឹកញាប់ អាចបំផ្លាញ់ភ្នែករបស់អ្នកបន្តិចម្តងៗរហូតដល់ខ្វាក់បាន។

ក្រុមអ្នកជំនាញបានផ្តល់អនុសាសន៍ថា ដើម្បីជៀសវាងគ្រោះថ្នាក់មួយនេះ អ្នកត្រូវកាត់បន្ថយការលេងទូរសព្ទត្រឹមតែ១៥នាទីបានហើយមុនពេលចូលគេង តែទន្ទឹមនឹងនេះអ្នកត្រូវបើកភ្លើងអំពូលផងដែរ។ មួយវិញទៀតមុនពេលគេង អ្នកត្រូវដាក់ទូរសព្ទឲ្យឆ្ងាយពីខ្លួន ឬបិទតែម្តង ដើម្បីកាត់បន្ថយផលប៉ះពាល់នៃជាតិវិទ្យុសកម្ម៕