Post News Media ព័ត៌មានសុខភាព កត្តា៥យ៉ាងដែល...

កត្តា៥យ៉ាងដែលធ្វើឲ្យមនុស្សស្រីចេះតែកើតស្នាមជាំខ្មៅក្រោមភ្នែក

ចែកចាយបន្ត

បញ្ហាខ្មៅក្រោមភ្នែកជាសត្រូវដ៏ធំបំផុត ដែលមនុស្សស្រីស្អប់គ្រប់គ្នា ព្រោះវាធ្វើឲ្យពួកគេបាត់បង់សម្រស់ ក៏ដូចជាបាត់បង់ទំនុកចិត្តលើខ្លួនឯងផងដែរ។

បើយោងតាមគេហទំព័រ boldsky បានចុះផ្សាយថា វិធីសាស្ត្រព្យាបាលភាគច្រើនគ្មានប្រសិទ្ធិភាពកម្ចាត់បញ្ហាស្នាមខ្មៅក្រោមភ្នែកនេះបានឡើយ។ ហេតុនេះ អ្នកគួរតែស្វែងយល់ពីដើមហេតុនៃបញ្ហាស្នាមជាំក្រោមភ្នែកជាមុនសិនមុននឹងព្យាបាល ឬ ទៅជួបអ្នកជំនាញរោគសើស្បែកដើម្បីរកដំណោះស្រាយ។

ខាងក្រោមនេះមូលហេតុមួយចំនួនដែលបណ្តាលឲ្យមានស្នាមខ្មៅក្រោមភ្នែក:

ការប្រែប្រួលអ័រម៉ូន

ការប្រែប្រួលនៃអ័រម៉ូនអាចបណ្តាលឲ្យរីកបំពង់សរសៃឈាមក្រោមស្បែក នេះហើយជាមូលហេតុនាំឲ្យមានស្នាមខ្មៅក្រោមភ្នែកកើតឡើងចំពោះមនុស្សមួយចំនួន។

វ័យ
នៅពេលដែលអ្នកមានវ័យកាន់តែចាស់ ស្បែកក្រោមភ្នែកចាប់ផ្តើមបាត់បង់ភាពយឺតបន្តិចម្តងៗ ហើយនាំឲ្យមានស្នាមខ្មៅក្រោមភ្នែកកើតឡើង។

ហ្សែន
ហ្សែនក៏ជាមូលហេតុមួយដែលបណ្តាលឲ្យមានស្នាមខ្មៅក្រោមភ្នែកដែរ។ ប្រសិនបើជីដូនជីតាជំនាន់មុនរបស់អ្នកធ្លាប់មានស្នាមខ្មៅក្រោមភ្នែក ឱកាសដែលអ្នកទទួលមរតក់ពីគាត់ក៏មានច្រើនដែរ។

បញ្ហាជាំ

អ្នកក៏អាចកើតមានស្នាមខ្មៅក្រោមភ្នែក ដោយសារតែស្នាមជាំដែលបន្សល់ទុកពីផលប៉ះពាល់ផ្សេងៗដែរ។ ជាពិសេសប្រសិនបើអ្នកឧស្សាហ៍ជូតភ្នែក ស្បែកនឹងឆាប់ខូច នាំឲ្យកើតស្នាមខ្មៅក្រោមភ្នែក។

បញ្ហាស្ត្រេស
នរណាៗក៏ធ្លាប់ជួបប្រទះបញ្ហាស្ត្រេសដែរ ប៉ុន្តែតើអ្នកដឹងទេ? ការកើតមានបញ្ហាស្ត្រេសជាញឹកញាប់អាចធ្វើឲ្យអ្នកកើតមានស្នាមជាំក្រោមភ្នែកដោយមិនដឹងខ្លួន៕