Post News Media ព័ត៌មានសុខភាព អត្ថប្រយោជន៍ដ...

អត្ថប្រយោជន៍ដ៏អស្ចារ្យ នៃការទទួលទានស្លឹកល្ហុង

ចែកចាយបន្ត

ល្ហុងជាដំណាំហូបផ្លែមួយប្រភេទ ដែលបងប្អូនខ្មែរយើងនៅតាមទីជនបទចូលចិត្តដាំនៅក្បែររបងផ្ទះទុកគ្រាន់ធ្វើជាបន្លែម្តងម្កាល ឬញ៉ាំនៅពេលវាទុំ។ ទន្ទឹមនឹងផងដែរ មនុស្សភាគច្រើនមិនដឹងថា ស្លឹកល្ហុងផ្តល់អត្តប្រយោជន៍យ៉ាងខ្លាំងចំពោះសុខភាព និងអាចព្យាបាលជំងឺមួយចំនួនឡើយ។

បើយោងតាមគេហទំព័រ justnaturallife បានចុះផ្សាយថា ស្លឹកល្ហុងអាចព្យាបាលជំងឺបានច្រើនមុខ ហើយមានប្រសិទ្ធភាពថែមទៀត។ ខាងក្រោមនេះជាអត្ថប្រយោជន៍នៃការទទួលទានភេសជ្ជ:ដែលផ្សំពីស្លឹកល្ហុង៖

ផលិតប្លាកែត

នៅពេលដែលមាននរណាម្នាក់ឈឺធ្ងន់ បា្លកែតក្នុងឈាមនឹងចាប់ផ្តើមបាត់បង់ ដែលធ្វើឲ្យអ្នកជំងឺមានភាពស្លេកស្លាំង។ ប៉ុន្តែស្លឹកល្ហុង មានសមត្ថភាពខ្ពស់ក្នុងការបង្កើតបា្លកែតក្នុងឈាមឡើងវិញ។

ជំនួយថ្លើម

ស្លឹកល្ហុង ក៏ត្រូវបានគេប្រើបា្រស់ក្នុងព្យាបាល ជំងឺក្រិនថ្លើម និងជំងឺមហារីកថ្លើមផងដែរ។

ជំនួយប្រព័ន្ធការពាររាងកាយ
ស្លឹកល្ហុង អាចបង្កើនសមត្ថភាពនៃប្រព័ន្ធភាពការពាររាងកាយ ប្រយុទ្ធប្រឆាំងបាក់តេរី និងវីរុស ដែលចង់បង្កជាជំងឺគ្រុនឈាម គ្រុនចាញ់ និងមហារីក។

ជំនួយប្រព័ន្ធរំលាយអាហារ

ស្លឹកល្ហុង អាចជួយជួសជុលកោសិកាក្រពះដែលខូច និងព្យាបាលដំបៅពោះវៀនក្រពះ ឲ្យមានសុខភាពល្អ។

រដូវទៀងទាត់
ស្លឹកល្ហុង អាចជួយដល់មនុស្សស្រីដែលកំពុងប្រឈមនឹងការរាំងរដូវ ឲ្យមានរដូវទៀងទាត់ឡើងវិញ។

របៀបប្រើប្រាស់ស្លឹកល្ហុង៖
– ជ្រើសស្លឹកល្ហុងធំល្មមចំនួន ១០ស្លឹក(ឬធាង) លាងទឹកឲ្យស្អាត
– យកស្លឹកល្ហុងដែលលាងរួចដាក់ទៅក្នុងឆ្នាំមួយ រួចចាក់ទឹក២លីត្រចូល
– ចាប់ផ្តើមដាំឲ្យពុះ ហើយរម្ងាស់ឲ្យរីងនៅសល់ពាក់កណ្តោល
– បន្ទាប់មកទុកឲ្យត្រជាក់ ហើយទទួលទានតិចៗដូចជាតែ។ ប៉ុន្តែទឹកដែលនៅសល់អាចរក្សាទុកទូរទឹកកកបានរយ:ពេល៥ថ្ងៃ៕