បរទេសៈ ភាគច្រើនអ្នកតែយល់ថា ស្រ្តីដែលរៀបការរួច ហើយមានកូននោះ សុដន់របស់ពួកគេ តែមានសភាពយារធ្លាក់ ប៉ុន្តែវាមិនពិតទាំងស្រុងទេ ព្រោះពេលខ្លះ យុវវ័យមួយចំនួន ក៏អាចប្រឈមនឹងបញ្ហាសុដន់យារធ្លាក់ផងដែរ ដោយការអនុវត្តទម្លាប់អាក្រក់របស់ពួកគេ។
ជាទូទៅអ្នកតែងចំណាយពេលជាច្រើន ក្នុងការថែរក្សាសម្រស់ផ្ទៃមុខ ជាមួយនឹងការបិទម៉ាស់ ឬប្រើផលិតផលផ្សេងៗ ដើម្បីទប់ស្កាត់ភាពចាស់មុនអាយុ ដោយពុំសូវបានចាប់អារម្មណ៍ទេ អំពីបញ្ហាដងខ្លួន ជាពិសេសផ្នែកដើមទ្រូង។
ការពាក់អាវទ្រនាប់ មិនបានត្រឹមត្រូវដូចជា តឹង ឬធំពេក អាចពន្លឿនដល់ដំណើរការយារធ្លាក់ សុដន់បានយ៉ាងឆាប់រហ័ស។ ហេតុដូចនេះ អ្នកគួរជ្រើសប្រភេទអាវទ្រនាប់ណា ដែលសមស្របជាមួយនឹងទំហំរបស់អ្នក ទើបជាការប្រសើរ។
ការធ្វើលំហាត់ ក៏ជាផ្នែកសំខាន់មួយផងដែរ មិនត្រឹមតែធ្វើឲ្យអ្នក មានសុភាពល្អ ប៉ុណ្ណោះទេ ប៉ុន្តែថែមទាំងជួយឲ្យអ្នកមានរាងស្អាត ស៊ិចស៊ី និងជៀសផុត អំពីបញ្ហាសុដន់យារធ្លាក់មុនវ័យ បានទៀតផង។
ជាការពិតណាស់ថា ការងូតទឹកក្តៅអាចជួយឲ្យអ្នក មានអារម្មណ៍ស្រស់ថ្លា បន្ទាប់ពីការនឿយហត់ ប៉ុន្តែវាអាចបណ្ដាលឲ្យខូចទ្រង់ទ្រាយទ្រូងរបស់អ្នកបាន។
តាមការសិក្សាស្រាវជ្រាវ បានបង្ហាញឲ្យដឹងថា ការថែរក្សាតុល្យភាពនៃទម្ងន់ឲ្យនៅនឹង ក៏ជាវិធីសាស្ត្រដ៏មានប្រសិទ្ធិភាពមួយផងដែរ ក្នុងការជៀសផុតអំពីបញ្ហាសុដន់យារធ្លាក់៕
