Post News Media ព័ត៌មានសុខភាព ដឹងពីអត្ថប្រយ...

ដឹងពីអត្ថប្រយោជន៍ហើយ អ្នកដែលស្អប់ម្ទេស​ច្បាស់ជា​គិត​ឡើងវិញ

ចែកចាយបន្ត

មនុស្សមួយចំនួនមិនចូលចិត្តទទួលទានម្ទេសនោះទេ ព្រោះវាមានរសជាតិហិលពិបាកនឹងលេប ហើយអាចក្រហាយមាត់ថែមទៀត។ ក៏ប៉ុន្តែ តើអ្នកដឹងទេ? ការបន្ថែមម្ទេសនៅក្នុងរបបអាហារជាប្រចាំ អាចផ្តល់នូវអត្ថប្រយោជន៍យ៉ាងខ្លាំងក្រៃសម្រាប់សុខភាព។

១.កាត់បន្ថយសម្ពាធឈាម
ដោយសារតែវត្តមាននៃជាតិសរសៃនៅក្នុងម្ទេសក្រហម ធ្វើឲ្យវាអាចជួយពង្រីកសរសៃឈាម និងកាត់បន្ថយសម្ពាធឈាម ហើយអ្នកក៏អាចជៀសផុតពីជំងឺលើសឈាមដែរ។

២.ជួយជំរុញឲ្យប្រព័ន្ធរំលាយអាហារកាន់តែប្រសើរឡើង
ជាថ្មីម្តងទៀត ដោយសារតែជាតិសរសៃនៅក្នុងម្ទេសក្រហម អាចជួយសម្អាតជាតិពុល និងកាកសំណល់ចេញពីពោះវៀន ព្រមទាំងជួយបង្កើនសុខភាពប្រព័ន្ធរំលាយអាហារថែមទៀត។

៣.កាត់បន្ថយហានិភ័យនៃជំងឺមហារីក
ម្ទេសក្រហម ត្រូវបានគេរកឃើញថា ពិតជាមានសមត្ថភាពអាចជួយទប់ស្កាត់ជំងឺមហារីកពោះវៀនធំ និងមហារីកសុដន់ យ៉ាងមានប្រសិទ្ធភាព។

៤.ជួយឲ្យភ្នែកមានសុខភាពល្អ
ការដាក់បញ្ចូលម្ទេសនៅក្នុងរបបអាហាររាល់ថ្ងៃ អាចធ្វើឲ្យភ្នែករបស់អ្នកកាន់តែមានសុខភាពល្អ ព្រោះវាមានផ្ទុកវីតាមីន A ដែលអាចចិញ្ចឹមសរសៃចក្ខុវិញ្ញាណបាន។

៥.សម្រកទម្ងន់
ម្ទេសក្រហមមានផ្ទុកជាតិម្សៅម្យ៉ាងដែលគេហៅថា capsaicin អាចជួយបង្កើនការរំលាយអាហារ និងជួយសម្រកទម្ងន់។

៦.កាត់បន្ថយភាពស្រេកឃ្លាន
សារធាតុ Capsaicin នៅក្នុងម្ទេសក្រហម ក៏មានមុខងារធ្វើឲ្យអ្នកមានអារម្មណ៍ថាឆ្អែត និងកាត់បន្ថយភាពស្រេកឃ្លានអាហារផងដែរ៕

ចែកចាយបន្ត