Post News Media ព័ត៌មានសុខភាព ដំណឹងល្អ! អ្ន...

ដំណឹងល្អ! អ្នកជំនាញរកឃើញថ្នាំ កម្ចាត់ជំងឺមហារីកសុដន់ ក្នុងរយ:ពេល១១ថ្ងៃ

ចែកចាយបន្ត

ស្ត្រីដែលកើតជំងឺមហារីកសុដន់ កុំទាន់អស់សង្ឃឹមអី ព្រោះអ្នកជំនាញបានរកឃើញឱសថមួយប្រភេទ ដែលផ្សំឡើងពីថ្នាំ Herceptin និង Lapatinib អាចព្យាបាលជំងឺមហារីកសុដន់មានប្រសិទ្ធភាពខ្លាំងបំផុត។

ការស្រាវជ្រាវដែលធ្វើឡើងដោយសាស្ត្រាចារ្យ Nigel Bundred បានបង្ហាញថា ថ្នាំទាំងពីរមុខនេះ ត្រូវបានគេប្រើជាទូទៅ​សម្រាប់ព្យាបាល​ជំងឺមហារីកសុដន់​ជាយូរមកហើយ ក៏ប៉ុន្តែ ពេលនេះវាត្រូវបានគេប្រើរួមបញ្ចូលគ្នាជាលើកដំបូង។ អ្វីដែលគួរឲ្យភ្ញាក់ផ្អើលនោះ គឺប្រភេទនៃជំងឺមហារីកសុដន់មួយចំនួន អាចកម្ចាត់ចោលក្នុងរយ:ពេល១១ថ្ងៃប៉ុណ្ណោះ។

ជាក់ស្តែងអ្នកជំនាញបានធ្វើការសាកល្បងទៅលើស្ត្រី ដែលកើតជំងឺមហារីកសុដន់ប្រមាណជា ២៥៧នាក់ លទ្ធផលបានបង្ហាញថា ការរួមបញ្ចូលថ្នាំទាំងពីរមុខនេះអាចកម្ចាត់ប្រូតេអ៊ីនម្យ៉ាង ដែលជាភ្នាក់ងារបង្កជំងឺមហារីក។ លើសពីនេះទៅទៀត វាអាចជួយការពារអ្នកជំងឺមិនឲ្យប្រឈមនឹងបញ្ហាជ្រុះសក់ ក្អួតចង្អោរ ឬអស់កម្លាំង មិនដូចជាការវះកាត់ និងចាក់ថ្នាំគីមីឡើយ។

បន្ទាប់ពីប្រើថ្នាំទាំងនេះ អស់រយ:ពេលជិត២សប្តាហ៍ មនុស្សស្រីស្ទើរតែទាំងអស់ គ្មានមេរោគមហារីកនៅក្នុងខ្លួនទៀតឡើយ ពោលគឺមានប្រហែលជិត១១ភាគរយប៉ុណ្ណោះ ដែលមានមេរោគមហារីកនៅក្នុងខ្លួនបន្តិចបន្តួច។ ប៉ុន្តែក្រុមអ្នកស្រាវជ្រាវមានសង្ឃឹមយ៉ាងមុតមាំថា នឹងអាចសម្រេចបាន១០០ភាគរយ ក្នុងពេលដ៏ឆាប់ៗខាងមុខនេះ មុននឹងសម្រេចឲ្យប្រើប្រាស់ទូទៅ៕

ប្រភព: healthywayoflife365

ចែកចាយបន្ត