Post News Media ព័ត៌មានសុខភាព របៀបប្រើក្រូច...

របៀបប្រើក្រូចឆ្មា ដើម្បីកម្ចាត់មុនក្បាលខ្មៅ

ចែកចាយបន្ត

មុនក្បាលខ្មៅ គឺជាបញ្ហាសម្រស់ទូទៅមួយប្រភេទ ដែលកើតមានដោយសារតែស្បែកមានជាតិខ្លាញ់ច្រើនពេក និងភាពកខ្វក់ធ្វើឲ្យកកស្ទះរន្ធញើស។ រីឯតំបន់ដែលទទួលរងនូវផលប៉ះពាល់ខ្លាំងបំផុតគឺ ច្រមុះ មុខ និងក។ ក៏ប៉ុន្តែ បើយោងតាមគេហទំព័រ searchhomeremedy បានបង្ហាញថា ក្រូចឆ្មា​មានសមត្ថភាព​អាចកម្ចាត់​បញ្ហាសម្រស់​មួយនេះបាន។

ដូច្នេះហើយ សុភាពនារីទាំងឡាយអាចសាកល្បងវិធីទាំង២យ៉ាងដូចខាងក្រោម:

១.ប្រើទឹកក្រូចឆ្មា

  • ពុះក្រូចឆ្មាមួយផ្លែ ច្របាច់យកទឹកដាក់ក្នុងកូនចានមួយ រួចលាយទឹកបន្តិច។
  • ជ្រលក់សំឡីចូល ហើយជូតត្រង់កន្លែងដែលមានមុនក្បាលខ្មៅឲ្យសព្វល្អ។
  • សូមរងចាំរហូតទាល់តែវាស្ងួត ទើបលាងសម្អាតចេញជាមួយនឹងទឹកធ្មតា។
  • ប៉ុន្តែ អ្នកត្រូវព្យាយាមអនុវត្ត មួយថ្ងៃឲ្យបានពីរដង ពោលគឺ ព្រឹក និងល្ងាច។

២.ក្រូចឆ្មា និងអំបិល

  • ពុះក្រូចឆ្មាមួយផ្លែ ច្របាច់យកទឹកដាក់ក្នុងកូនចានមួយ រួចលាយជាមួយអំបិល១ភាគ៤ ក្នុងមួយស្លាបព្រាកាហ្វេ។
  • ប៉ុន្តែ អ្នកត្រូវប្រើទឹកក្តៅឧណ្ឌៗលាងសម្អាតផ្ទៃមុខជាមុនសិន ដើម្បីឲ្យជ្រះភាពកខ្វក់ បន្ទាប់មកប្រើប្រាស់ល្បាយនេះនៅកន្លែងដែលមានមុនក្បាលខ្មៅ។
  • ប្រើម្រាមដៃធ្វើការម៉ាស្សាថ្នមៗឲ្យបាន៥នាទី ទើបលាងសម្អាតចេញជាមួយនឹងទឹកក្តៅឧណ្ឌៗម្តងទៀត។
  • ចុងក្រោយត្រូវលាងសម្អាតជាមួយនឹងទឹកត្រជាក់តាមក្រោយជាការស្រេច។
  • សូមព្យាយាមអនុវត្តមួយថ្ងៃឲ្យបាន២ដង ដូចរូបមន្តទីមួយដែរ៕
ចែកចាយបន្ត