Post News Media ព័ត៌មានសុខភាព រឿងដែលស្ត្រីគ...

រឿងដែលស្ត្រីគួរដឹងមុន កុំឲ្យកូនកើតមកមិនគ្រប់លក្ខណ:

ចែកចាយបន្ត

ការពរពោះជារឿងលំបាកណាស់ សម្រាប់មនុស្សស្រីគ្រប់រូប ព្រោះពួកគាត់ត្រូវទទួលរងសម្ពាធទាំងផ្លូវកាយ និងផ្លូវចិត្តយ៉ាងធ្ងន់ធ្ងរ ជាពិសេសចំពោះមនុស្សដែលទើបតែមានកូនដំបូង។ ប្រសិនបើមនុស្សស្រី មិនចេះពីវិធីការពារខ្លួន នោះកូនរបស់ពួកគេ អាចប្រឈមនិងការកើតមកមិនគ្រប់អវយវ:មួយចំនួន ឬផលវិបាកផ្សេងៗ។

ខាងក្រោមនេះ ជាវិធីការពារខ្លួនដែលមនុស្សស្រីមានផ្ទៃពោះទាំងឡាយគួរតែស្វែងយល់៖

១.ប្រឹក្សាជាមួយគ្រូពេទ្យ
កូនដែលកើតមកមិនមានអវយវ:គ្រប់គ្រាន់ អាចបណ្តាលមកពីកត្តាច្រើនណាស់។ ដូចនេះអ្នកត្រូវការប្រឹក្សាជាមួយគ្រូពេទ្យជំនាញ ដើម្បីធ្វើវិភាគតាមដានទៅប្រវិត្តគ្រួសារ និងហ្សែនរបស់លោកអ្នក ដើម្បីកាត់បន្ថយហានិភ័យ កូនកើតមិនគ្រប់លក្ខណ:។

២.ប្រើប្រាស់ថ្នាំ ឲ្យបានត្រឹមត្រូវ
ការប្រើប្រាស់ថ្នាំ ក្នុងពេលមានផ្ទៃពោះជារឿងគ្រោះថ្នាក់បំផុតសម្រាប់កូនក្នុងផ្ទៃ ទោះជាថ្នាំប្រភេទណាក៏ដោយ។ ការប្រើថ្នាំសម្រាប់ព្យាបាលជំងឺមា្តយ អាចធ្វើឲ្យទារកក្នុងផ្ទៃដែលគ្មានជំងឺអ្វីសោះ ស្រូបយកឥទ្ធិពលថ្នាំចូលទៅក្នុងរាងកាយ ហើយអាចបណ្តាលឲ្យសុខភាពរបស់ពួកគេជួបភាពមិនប្រក្រតី។

៣.កុំជក់បារី
មនុស្សស្រីមានផ្ទៃពោះ ជក់បារី ឬឧស្សាហ៍នៅក្បែរអ្នកជក់បារី គឺបង្កគ្រោះថ្នាក់បំផុតសម្រាប់កូនក្នុងផ្ទៃ ពោលគឺអាចធ្វើឲ្យកូនកើតមកមិនគ្រប់អវយវ:។

៤.សម្មាធិ និងធ្វើយូហ្គា
ការហាត់ប្រាណដែលល្អបំផុតសម្រាប់មនុស្សស្រីដែលមានផ្ទៃពោះ គឺការហាត់យូហ្គា ព្រោះវាអាចធ្វើឲ្យមនុស្សស្រីមានសុខភាពល្អ ហើយកាត់បន្ថយអត្រានៃកើតកូនមិនគ្រប់អវយវ:។

៥.ឆាប់យកកូន
ស្ត្រីមានវ័យចំនាស់ដែលមានផ្ទៃពោះ អាចប្រឈមនិងការសម្រាលកូនមិនគ្រប់ ខ្ពស់ជាងមនុស្សដែលវ័យក្មេង។ ដូចនេះមនុស្សស្រីគួរតែយកកូន ក្នុងចន្លោះអាយុពី២៥-៣០ឆ្នាំ។

៦.ទទួលទានអាហារ មានប្រយោជន៍
មនុស្សដែលមានផ្ទៃពោះ ភាគច្រើនមានចំណង់អាហារច្រើនជាងមនុស្សធម្មតា ហើយតែស្រក់ទឹកមាត់ជានិច្ច ពេលដែលឃើញអាហារនៅនឹងមុខ។ ហេតុនេះហើយ អ្នកត្រូវព្យាយាមទប់អារម្មណ៍ ដើម្បីបរិភោគអាហារណាដែលប្រយោជន៍សម្រាប់សុខភាពខ្លួនឯង និងកូនក្នុងផ្ទៃផង។

៧.នៅឲ្យឆ្ងាយពី បរិស្ថានមិនល្អ
សារធាតុគីមី ទោះជានៅក្នុងកម្រិតណាក៏ដោយ ក៏អាចធ្វើឲ្យប៉ះពាល់ទារកក្នុងផ្ទៃដែរ ដូច្នេះអ្នកត្រូវនៅឲ្យឆ្ងាយពីកន្លែងដែលសារធាតុគីមី៕

ចែកចាយបន្ត