Post News Media ព័ត៌មានសុខភាព របៀបមើលស៊ុតថ្...

របៀបមើលស៊ុតថ្មីឬចាស់ ដើម្បីរក្សាទុកបានយូរ

ចែកចាយបន្ត

ស៊ុត គឺជាផ្នែកមួយនៃអាហារដែលសម្បូរជីវជាតិខ្លាំងបំផុត ហើយវាត្រូវបានគេយកទៅធ្វើជាអាហារ​ប្រចាំថ្ងៃផងដែរ។ ដូច្នេះហើយ មនុស្សភាគច្រើន​តែងតែ​ទិញស៊ុត​ម្តងច្រើនគ្រាប់​មកទុកនៅក្នុងផ្ទះ ដើម្បីងាយស្រួល​ប្រើប្រាស់។

ទោះជាយ៉ាងណា បើយោងតាមគេហទំព័រ soha បានបង្ហាញឲ្យដឹងថា ស៊ុតដែលទុកយូរ​នឹងខូចគុណភាព ហើយខ្យល់ចូល​កាន់​តែ​ច្រើន។ ប៉ុន្តែកុំបារម្ភ អ្នកអាចរក្សាស៊ុត​ទុកញ៉ាំរហូតដល់​មួយសប្តាហ៍ដោយ​មិនខូចគុណភាព​ឡើយ ប្រសិនបើ​អ្នកចេះ​រើស​ស៊ុតថ្មីៗ។

តើធ្វើដូចម្តេចទើបដឹងថា ស៊ុតថ្មី ឬក៏ចាស់? តាមពិតទៅគ្មាន​អ្វីពិបាកនោះទេ អ្នកគ្រាន់តែប្រើពិល ឬភ្លើងចង្កៀង​មកចាំងឆ្លុះ​ប្រាដកជា​ដឹងច្បាស់។

១. ដំបូងអ្នកយកស៊ុតដាក់ក្នុងទីងងឹង។
២.ជាធម្មតាស៊ុតមានម្ខាងតូចម្ខាងធំ ដូច្នេះអ្នកត្រូវយក​ពិលបញ្ចាំងដោយផ្ទាល់​នៅផ្នែកដែលធំជាង។
៣.បន្ទាប់មកផ្អៀងស៊ុតទៅខាងស្តាំ អ្នកនឹងមើលឃើញ​ស៊ុតខាងក្នុង។
៤.ប្រសិនបើស៊ុតថ្មី មានផ្ទុកខ្យល់តិច ទំហំប្រហែលជា ១ភាគ៨អ៊ីញ ឬ៣.១៧៥មីលីម៉ែត្រ​ប៉ុណ្ណោះ។ ផ្ទុយទៅវិញ ប្រសិនបើ​ស៊ុត​ចាស់ អ្នកនឹងមើលឃើញ​បន្ទុកខ្យល់​កាន់តែច្រើន។

ចំណាំ: នៅពេលដែលឃើញស៊ុត​បែកសំបក ឬប្រេះ កុំទិញមកទុកឲ្យសោះ ព្រោះវាឆាប់ស្អុយ ដោយសារតែ​មេរោគផ្សិត ឬបាក់តេរី​ចូលវាយប្រហារ៕