Post News Media ព័ត៌មានសុខភាព មិនគួរឲ្យជឿ! ...

មិនគួរឲ្យជឿ! កែ៤ចំណុច អាចរស់នៅជាមួយជំងឺទឹកនោមផ្អែម២៥ឆ្នាំយ៉ាងមានសុខភាពល្អ

ចែកចាយបន្ត

តាមធម្មតាអ្នកដែលកើត ជំងឺទឹកនោមផ្អែម ច្បាស់ជាមានសុខភាព​មិនសូវប្រក្រតី ហើយពិបាកនឹងរកថ្នាំព្យាបាលខ្លាំងណាស់។ ក៏ប៉ុន្តែបើយោងតាមគេហទំព័រ soha បានចុះផ្សាយថា ស្ត្រីម្នាក់ដែលរស់នៅ សហរដ្ឋអាមេរិក បានកើត​ជំងឺទឹកនោមផ្អែម ប្រភេទទី២ តាំងពីនាង​មានផ្ទៃពោះលើកដំបូងមកម្ល៉ះ ហើយក្នុងរយ:ពេល ២៥ឆ្នាំ នាងអាចរស់នៅ​ជាមួយ ជំងឺទឹកនោមផ្អែម យ៉ាង​មាន​សុខភាពល្អ។ តើមកពីមូលហេតុអ្វីទៅ? នេះដោយសារតែនាងបានអនុវត្តតាមទម្លាប់សាមញ្ញៗ៤ចំណុច។

១.រៀនដកដង្ហើម
ការរៀនដកដង្ហើមឲ្យបានជ្រៅៗ ពិតជាមានអត្ថប្រយោជន៍ខ្លាំងណាស់​សម្រាប់អ្នក​ជំងឺទឹកនោមផ្អែម ព្រោះវា​អាចជួយ​បំបាត់​ភាពស្ត្រេស ដែលជាដើមហេតុបង្កឲ្យកម្រិត​ជាតិស្ករក្នុងឈាមកើនឡើង។ ម្យ៉ាងវិញទៀត​ការដកដង្ហើមបានត្រឹមត្រូវ អាចជួយឲ្យអ្នក​ទទួលទានអុកស៊ីសែនចាំបាច់​សម្រាប់មុខងារខួរក្បាល និងគ្រប់គ្រង​សរីរាង្គទាំងមូល។

២.ផ្លាស់ប្តូររបបអាហារ
សូមតមប្រភេទម្សៅដូចជា ស្រូសាលី អង្ករ ដំឡូង… ពីព្រោះការបរិភោគម្សៅដែលផលិត​ចេញពីវត្ថុធាតុដើមទាំងនេះច្រើនពេក អាចបណ្តោលឲ្យជាតិស្ករក្នុងឈាមរបស់អ្នកកើនឡើងកាន់តែខ្ពស់។

៣.ធ្វើលំហាត់ប្រាណឲ្យបានទៀងទាត់
ការធ្វើលំហាត់ប្រាណ គឺជាចំណែកមួយដ៏សំខាន់ក្នុងការព្យាបាល​ជំងឺទឹកនោមផ្អែម។ លំហាត់ប្រាណដែលល្អបំផុត គឺការដើរ ឬរត់យឺតៗ ដើម្បីគ្រប់គ្រងជាតិស្ករក្នុងឈាម​ឲ្យមានតុល្យភាព។ ជាពិសេសក្នុងមួយថ្ងៃ អ្នកត្រូវព្យាយាម​ធ្វើលំហាត់ប្រាណ​ឲ្យបាន​រយ:ពេល ៣០នាទី។ ក្រុមអ្នកវិទ្យាសាស្ត្រ ហ្វាំងឡង់ បានបង្ហាញថា អ្នកដែលធ្វើលំហាត់ប្រាណ ៣៥នាទីក្នុងមួយថ្ងៃ អាច​កាត់​បន្ថយនិភ័យនៃ ជំងឺទឹកនោមផ្អែម រហូតដល់ទៅ៨០ភាគរយ។

៤.ប្រយ័ត្នចំពោះការប្រើថ្នាំ

ការប្រើប្រាស់ថ្នាំព្យាបាលជំងឺទឹកនោមផ្អែនបានត្រឹមត្រូវ គឺជារឿងមួយ​ដ៏ចាំបាច់បំផុត។ ក៏ប៉ុន្តែប្រសិនបើអ្នក​មានអារម្មណ៍ថា ពេល​លេបថ្នាំ​នេះទៅធ្វើឲ្យអ័រម៉ូនមាន​ការប្រែប្រួល កុំនៅស្ទាក់ស្ទើរ ត្រូវប្រញាប់​ទៅជួបគ្រូពេទ្យជំនាញភ្លាម ព្រោះ​មានតែអ្នក​ជំនាញទេ ដែលដឹងថា ត្រូវដោះស្រាយតាម​វិធីណាទើបល្អ​សម្រាប់អ្នកជំងឺ៕