Post News Media ព័ត៌មានសុខភាព តិចអត់ដឹង! តើ...

តិចអត់ដឹង! តើពេលណាគួរទទួលទាន ឬមិនគួរទទួលទានទឹកដូង?

ចែកចាយបន្ត

ទឹកដូង គឺជាឱសថធម្មជាតិដ៏ល្អបំផុតសម្រាប់​សុខភាព ហើយមនុស្សជាច្រើន​ចូលចិត្ត​ទទួលទាន​ភេជ្ជ:នេះខ្លាំងណាស់ ជាពិសេស​នារដូវក្តៅ។ ប៉ុន្តែ ថ្វីបើទឹកដូងមានរស​ជាតិឆ្ងាញ់​ពិសារយ៉ាង​ណាក៏ដោយ អ្នកក៏គួរ​តែដឹងថា ពេលណាដែលគួរទទួលទាន ហើយពេលណា​មិនគួរទទួលទានដែរ ពុំដូច្នោះទេវានឹងបង្កផលអវិជ្ជ​មានដល់សុខ​ភាព​កាន់តែខ្លាំង។

ពេលវេលាចាំបាច់ដែលអ្នកគួរតែទទួលទានទឹកដូងឲ្យបានច្រើន:

១.ពេលអស់កម្លាំង
បន្ទាប់ពីធ្វើការបញ្ចេញញើស អ្នកច្បាស់ជាអស់កម្លាំងកំហែង​ជាពុំខាន ប៉ុន្តែ ​ទឹកដូង មានផ្ទុក​សារធាតុប៉ូតាស្យូម ដែលអាច​ជួយស្តារ​ថាមពល​ត្រលប់មកវិញ ព្រោះជាតិស្កររបស់​វាអាចជួយឲ្យរាងកាយ​ស្រូបបានយ៉ាង​ឆាប់រហ័ស។

២.ពេលកើតជំងឺរាគរូស
បញ្ហារាគរូស អាចបណ្តោលឲ្យអ្នក​បាត់បង់ជាតិទឹក ព្រមទាំងសារធាតុរ៉ែយ៉ាង​ច្រើនពី​ក្នុងខ្លួន។ តែទឹកដូង អាចជួយទូទាត់​តម្រូវការទាំងនេះ​ឡើងវិញ​យ៉ាងឆាប់បំផុត ហើយវាគ្មានជាតិស្ករដែល​បង្កឲ្យមានគ្រោះថ្នាក់​ដល់សុខភាព​ឡើយ។

៣.ក្មេងជំទង់
សម្រាប់ក្មេងវ័យជំទង់ដែលមានរាងកាយកំពុងតែ​រីកលូតលាស់ គួរទទួលទានទឹកដូងឲ្យបាន​ទៀងទាត់ ព្រោះវាអាចជួយ​បង្កើនការចង់​បានល្អ ហើយជួយឲ្យស្បែក​មានសុខភាពល្អ និងបង្កោរ​រោគមុនថែមទៀត។

៤.ពេលមានសម្ពាធឈាមទាប
ដោយសារតែទឹកដូង មានផ្ទុកសារធាតុប៉ូតាស្យូមច្រើន ធ្វើឲ្យវាមានសត្ថភាព​ជួយបង្កើនការផលិតកោសិកាឈាម និងជួយ​ជំរុញ​ឲ្យកម្រិត​សម្ពាធឈាម​ដំណើរការធម្មតាវិញ។

៥.ពេលកើតជំងឺគ្រុនក្តៅ
ទឹកដូង មានសារធាតុត្រជាក​ដែលអាចជួយដោះស្រាយ​បញ្ហាគ្រុនក្តៅឲ្យ​ឆាប់ជាសះស្បើយ។ មិនតែប៉ុណ្ណោះ វាមានផ្ទុក​អាស៊ីតឡាក់ទិច (lactic) ដែលអាចជួយប្រឆាំងនឹង​ការឆ្លងមេរោគ​យ៉ាងពូកែ។

ពេលដែលអ្នកគួរជៀសវាង ទឹកដូង ព្រោះវាអាចបង្កឲ្យមានផលអវិជ្ជមានកាន់តែខ្លាំង:

១.ពេលមានជំងឺជំងឺតម្រងនោមយ៉ាប់យ៉ឺន: ទឹកដូងគឺជាថ្នាំបញ្ចុះ ប្រសិនបើអ្នកទទួលទានច្រើន​រាងកាយនឹងខ្វះ​ជាតិទឹក​កាន់តែខ្លាំង។

២.ពេលមានបញ្ហាចង្វាក់បេះដូង: ទឹកដូង គឺជាប្រភពនៃសារធាតុប៉ូតាស្យូម តែប្រសិនបើ​អ្នកទទួលទាន​ច្រើន នឹងបង្កឲ្យមានបញ្ហា​ដល់បេះដូង។ ហេតុនេះហើយ អ្នកជំងឺគួរតែផ្អាក​ទទួលទានទឹក​ដូងមួយរយ: រហូតដល់​ជំងឺបាន​ធូរស្រាល៕

ប្រភព: rak sukapap