Post News Media ព័ត៌មានសុខភាព ៥សញ្ញា ដាស់តឿ...

៥សញ្ញា ដាស់តឿនថារាងកាយរបស់អ្នកកំពុងតែត្រូវការជំនួយជាបន្ទាន់

ចែកចាយបន្ត

តាមការពិតរាល់ជំងឺទាំងអស់ដែលកើតមាន​នៅលើរាងកាយ​របស់យើង សុទ្ធតែផ្តល់​ដំណឹងជាមុន មុននឹងឈានដល់​ដំណាក់កាល​ធ្ងន់ធ្ងរ។ ក៏ប៉ុន្តែ រោគសញ្ញាព្រមាន​ល្មមៗ មនុស្សភាគច្រើន​មិនសូវយកចិត្តទុកដាក់​នោះទេ ទាល់តែ​ជំងឺធ្វើទុក្ខ​ខ្លាំង​ទើបរក​វិធី​ព្យាបាល។ ហេតុនេះហើយ ដើម្បីកុំឲ្យធ្លាក់ខ្លួនជា​ទាសករ​របស់ជំងឺ ឬត្រូវចំណាយលុយច្រើន​ក្នុងការ​មើលថែខ្លួន អ្នក​ត្រូវចេះ​សង្កេតមើល​រោគសញ្ញាមួយ​ចំនួនដោយ​ខ្លួនឯង។ យ៉ាងណាម៉ិញ ដូចជារោគសញ្ញាព្រមាន​ទាំង៥ចំណុចនេះ បញ្ជាក់ថា រាងកាយ​របស់អ្នក​កំពុង​តែត្រូវការ​ជំនួយហើយ។

១.ក្រចក និងសក់មានភាពផុយស្រួយ
នេះជារោគសញ្ញាមួយ​ដែលបង្ហាញថា រាងកាយរបស់អ្នកកំពុងតែខ្វះវីតាមីនD និងកាល់ស្យូម។ ដើម្បីដោះស្រាយ​បញ្ហានេះ អ្នកទទួលទានអាហារដែលសម្បូរ​វីតាមីនD និងជាតិកាលស្យូម ដែលមាននៅក្នុង​ទឹកដោះគោ ពពួកសណ្តែក ដំឡូងបារាំង ស្រូវសាឡី និងគ្រាប់ធមញ្ញជាតិ​ផ្សេងៗទៀត ជាប្រចាំ។

២.ស្បែកនៅលើកែងដៃមានសភាពស្ងួត
ជាធម្មតាបញ្ហាស្បែកស្ងួតនៅតំបន់កែងដៃបង្ហាញថា អ្នកកំពុងតែខ្វះ​វីតាមីនC និងA ។ ក៏ប៉ុន្តែ ដើម្បីជួសជុលបញ្ហាមួយនេះ អ្នកគ្រាន់​តែញ៉ាំ ការ៉ុត ល្ពៅ ក្រូច… ឲ្យបានញឹកញាប់ជា​ការស្រេច។

៣.ស្បែកស្ងួតនៅលើរាងកាយទាំងមូល
បើស្បែកនៅលើរាងកាយទាំងមូលរបស់អ្នក​មានភាពស្ងួត គឺជាសញ្ញាខ្វះវីតាមីនE ។ ក្នុងករណីនេះ អ្នកគួរតែព្យាយាម​ទទួលទាន​អាហារដែល​សម្បូរវីតាមីនE ដូចជាប្រេងបន្លែ ខ្លាញ់ត្រី និងគ្រប់ធញ្ញជាតិឲ្យបានច្រើន។

៤.ហូរឈាមតាមអញ្ចាញធ្មេញ
អាការហូរឈាមតាមអញ្ចាញធ្មេញជាសញ្ញាមួយទៀតនៃ​កង្វះវីតាមីនC ក្នុងរាងកាយ ប៉ុន្តែវាមិន​ពិបាកដោះស្រាយ​នោះទេ អ្នកគ្រាន់តែ​បន្ថែមផ្លែឈើ និងបន្លែទៅក្នុងរបប​អាហារជាប្រចាំ ជាពិសេសខ្ទឹមស បញ្ហានេះនឹងបាត់ទៅវិញ។

៥.ជើងរមួលក្រពើ គេងមិនលក់ ឬមួរម៉ៅច្រើន
រោគសញ្ញាទាំងនេះបណ្តោលមកពីរាងកាយខ្វះប៉ូតាស្យូម និងម៉ាញេស្យូម។ ដូច្នេះវិធីដ៏ល្អបំផុត អ្នកត្រូវព្យាយាម​ទទួលទាន​ស្លឹកបន្លែបៃតង​ឲ្យបានច្រើន។

ប្រសិនបើលោកអ្នកកំពុងតែជួបបញ្ហា​ដូចដែលបង្ហាញ​នៅខាងលើ សូមប្រញាប់ដោះស្រាយ​ភ្លាមៗ ហើយកុំបណ្តោយ​ទុកយូរ ព្រោះវាអាចបង្កទៅ​ជាបញ្ហាធ្ងន់ធ្ងរ​បាន៕

ប្រភព: healthylifehouse