Post News Media ព័ត៌មានសុខភាព នោមចេញពពុះ តើ...

នោមចេញពពុះ តើមានអ្វីកើតឡើងចំពោះរាងកាយ?

ចែកចាយបន្ត

ពណ៌ ឬក្លិនទឹកនោម សុទ្ធតែអាចបញ្ជាក់​ពីបញ្ហាសុខភាពផ្សេងៗ​ដែលកំពុងតែកើតមាន​នៅក្នុងរាងកាយ​របស់យើង។ ប៉ុន្តែ ការនោម​ចេញចេញពពុះ ក៏ជាកត្តាដ៏គួរឲ្យ​ព្រួយបារម្​ភផងដែរ ព្រោះវា​គឺជាសញ្ញា​ព្រមាន​ដែលតម្រូវ​ឲ្យអ្នក​យកចិត្តទុកដាក់​ចំពោះ​សុខភាព​ខ្លាំង​បំផុត។ បើយោងតាម​គេហទំព័រ boldsky បានបង្ហាញថា ទឹកនោមមានបែកពពុះ​អាចបណ្តោល​មកពីបញ្ហា ៧យ៉ាង។

១.ខ្សោះជាតិទឹក
នៅពេលដែលខ្វះជាតិទឹក ទឹកនោមរបស់អ្នកនឹង​មានប្រូតេអ៊ីន ព្រមទាំងសារធាតុគីមីមួយចំនួន​មកជាមួយ ហេតុនេះទើប​ពពុះកើត​មាន​ឡើង។ យកល្អអ្នកគួរតែទទួលទានទឹក​ឲ្យបានត្រឹមត្រូវទៅតាម​តម្រូវការ​របស់រាងកាយ យ៉ាងហោច​ណាស់​២លីត្រ​ក្នុង​មួយថ្ងៃ។

២.ការមានផ្ទៃពោះ
ក្នុងអំឡុងពេលមានផ្ទៃពោះ តម្រងនោមនឹងធ្វើការហួសកម្លាំង ហើយប្រូតេអ៊ីន នឹងធ្លាក់ចេញតាម​តម្រងនោមកាន់​តែច្រើន ដែល​បណ្តោលឲ្យ​មានពពុះកើតឡើង។

៣.ភាពតានតឹង
នៅពេលដែលអ្នកមានអារម្មណ៍តានតឹងខ្លាំង តម្រងនោមនឹង​រងនូវសម្ពាធខ្លាំង ដែល​បណ្តោលឲ្យសារធាតុ albumin និង​ប្រូតេអ៊ីន ត្រូវធ្លាក់តាម​ទឹកនោម។ នេះជាហេតុផល​មួយទៀត ដែលបណ្តោយឲ្យអ្នក​នោមមកបែកពពុះ។

៤.ជំងឺទឹកនោមផ្អែម
សូម្បីតែជំងឺទឹកនោមផ្អែម ក៏ប៉ះពាល់ដល់​តម្រងនោម និងបង្កឲ្យមាន​ពពុះនៅក្នុងទឹកនោម​ដែរ។ នេះដោយសារតែ​ជាតិស្ករ​ក្នុងឈាម​ខ្ពស់ពេក ធ្វើឲ្យមានផល​អាក្រកដល់ក្រលៀន។

៥.ប្រូតេអ៊ីននៅក្នុងទឹកនោមច្រើនពេក
នៅពេលដែលតម្រងនោមមិនអាចច្រោះយក​ប្រូតេអ៊ីន​បានត្រឹមត្រូវ ប្រូតេអ៊ីន​នឹងដោយ​តាមទឹកនោម​កាន់តែច្រើន ធ្វើឲ្យអ្នក​នោម​មក​មាន​បែកពពុះ។ យកល្អកុំឲ្យសង្ស័យ​ច្រើន អ្នកត្រូវប្រញាប់​ទៅពិគ្រោះជាមួយគ្រូពេទ្យ​ភ្លាម។

៦.ឆ្លងមេរោគ
អ្នកត្រូវចាំថា ការឆ្លងមេរោគនៅលើផ្លូវ​បង្ហូរនោម ក៏អាចបណ្តោលឲ្យទឹកនោម​មានពពុះដែរ។

៧.បញ្ហាបេះដូង
ការនោមបែកពពុះ មានជាប់ពាក់ព័ន្ធជាមួយនឹងជំងឺ​សរសៃឈាមបេះដូង ព្រមទាំងដាច់​សរសៃឈាម​ខួរក្បាល ព្រោះប្រូតេអ៊ីន​ខ្ពស់ណាស់​ដែលត្រូវ​ហូរមកតាមរយ:​ទឹកនោម។

អាស្រ័យហេតុនេះ ដើម្បីកុំឲ្យមានការ​សង្ស័យច្រើន ឬកុំឲ្យជំងឺ​កាន់តែធ្ងន់ធ្ងរឡើងៗ អ្នកគួរតែ​ទៅពិនិត្យសុខភាព​ឲ្យបាន​ច្បាស់លាស់៕

ចែកចាយបន្ត