Post News Media ព័ត៌មានសុខភាព ពិតជាអស្ចារ្យ...

ពិតជាអស្ចារ្យមែន! ប្រើ៣វិធីនេះ ទោះស្បែកក្រិនខ្មៅត្រង់កន្លែងណាក៏អាចកម្ចាត់អស់ដែរ

ចែកចាយបន្ត

ស្បែកក្រិនខ្មៅតែងតែកើតមាននៅត្រង់កែងដៃ កែងជើង ជង្គង់ និងនៅតាមក្រញរដៃ ហើយមិនថាតែមនុស្សស្រីនោះទេ សូម្បីតែមនុស្សប្រុសក៏អាចកើតដែរ។ តើបញ្ហាមួយនេះធ្វើឲ្យអ្នកមានអារម្មណ៍ទើសទាល់ខ្លាំងណាស់មែនទេ? ដើម្បីដោះស្រាយបញ្ហានេះអ្នកអាចប្រើប្រាស់វិធីធម្មជាតិសាមញ្ញៗ៣យ៉ាង ប៉ុន្តែវាពិតជាមានប្រសិទ្ធភាពកម្ចាត់ស្បែកក្រិនខ្មៅ ហើយជួយឲ្យស្បែកមានសំណើមថែមទៀត។

ក្រូចឆ្មារ
១.យកក្រូចឆ្មារស្រស់មួយផ្លែ ពុះជាពីរ។
២.ត្រដុសត្រង់កន្លែងដែលមានបញ្ហារយ:ពេល៣នាទី ទើបលាងសម្អាតចេញ។
៣.សូមព្យាយាមអនុវត្តរាល់ថ្ងៃ ជាតិអាស៊ីតនៃក្រូចឆ្មារនឹងកម្ចាត់កោសិកាចាស់ៗ ហើយជំរុញឲ្យកោសិកាស្បែកថ្មីដុះឡើងវិញ។

អម្ពិល និងទឹកឃ្មុំ
១.លាយទឹកអម្ពិលទុំ១ស្លាបព្រា ជាមួយនឹងទឹកឃ្មុំក្នុងកន្លះស្លាបព្រា។
២.យកសរសៃននោងទុំ ត្រាំក្នុងល្បាយនេះឲ្យយូរ ហើយត្រដុសត្រង់កន្លែងមានបញ្ហាថ្នមៗ។
៣.សូមអនុវត្ត ៣ទៅ៤ដងក្នុងមួយសប្តាហ៍ បញ្ហាស្បែកក្រិនខ្មៅនឹងកាត់បន្ថយបន្តិចម្តងៗ។

ស្ករត្នោត និងទឹកដោះគោស្រស់
១.សូមលាយស្ករត្នោត១ស្លាបព្រា ជាមួយនឹងទឹកដោះគោកន្លះស្លាបព្រា។
២.កូរឲ្យរលាយ ទើបយកទៅជូតត្រដុសថ្នមៗប្រហែលជា ៥នាទី។
៣.បន្ទាប់មក អ្នកត្រូវលាងសម្អាតចេញឲ្យបានស្អាត។
៤.សូមអនុវត្តមួយសប្តាហ៍៣ដង ស្បែកក្រិនខ្មៅនឹងជ្រះបណ្តើរៗ ហើយមានសភាពទន់រលោងឡើងវិញ៕

ប្រភព: rak sukapap