Post News Media ព័ត៌មានសុខភាព អាហារ៤ប្រភេទ ...

អាហារ៤ប្រភេទ បើញ៉ាំច្រើនពេកប្រយ័ត្នកើតជំងឺក្រិនថ្លើម!!!

ចែកចាយបន្ត

ថ្លើមមានតួនាទីសំខាន់បំផុតក្នុងការត្រងបាក់តេរីដែលបង្កគ្រោះថ្នាក់ពីក្នុងកោសិកាឈាម និងបំលែងវីតាមីន ព្រមទាំងសារធាតុរ៉ែ ដែលបានមកពីចំណីអាហារទៅជាថាមពលចាំបាច់។

ថាមពលនេះអាចជួយគាំទ្រដល់រាងកាយ ក្នុងការពង្រឹងប្រព័ន្ធស៊ាំ រក្សាតុល្យភាពអ័រម៉ូន គ្រប់គ្រងជាតិខ្លាញ់ និងជួយរំលាយអាហារ។
ទោះជាយ៉ាងណាថ្លើមក៏ងាយនឹងទទួលរងនូវផលប៉ះពាល់ផងដែរ ប្រសិនបើអ្នកមិនមានការប្រុងប្រយ័ត្ន ជាពិសេសការទទួលទានអាហារមិនល្អញឹកញាប់ពេក អាចបណ្តោលឲ្យកើតជំងឺក្រិនថ្លើម។

ជំងឺក្រិនថ្លើម អាចធ្វើឲ្យរាងកាយរបស់អ្នកមានភាពរីងរៃដោយសាតែមិនបានទទួលសារធាតុចិញ្ចឹមពីអាហារគ្រប់គ្រាន់ ហើយប្រសិនបើអ្នកនៅតែបណ្តែតបណ្តោយយូរ មិនព្រមរកវិធីដោះស្រាយអាចគ្រោះថ្នាក់ដល់ជីវិត។

ដូច្នេះ ដើម្បីទប់ស្កាត់ហានិភ័យនៃការកើតមានជំងឺក្រិនថ្លើម អ្នកគួរតែកាត់បន្ថយ ឬជៀសវាងអាហារមួយចំនួនដូចខាងក្រោម:

គ្រឿងស្រវឹង
ការសេពគ្រឿងស្រវឹងមានដែនកំណត់មិនបង្កឲ្យមានផលប៉ះពាល់ដល់សុខភាពនោះទេ តែផ្ទុយទៅវិញ ប្រសិនបើអ្នកសេពគ្រឿងស្រវឹងលើសកម្រិតជាញឹកញាប់ ច្បាស់ជាប្រឈមនឹងជំងឺក្រិនថ្លើម កាន់តែខ្លាំង។ ជាពិសេសអ្នកញៀននឹងគ្រឿងស្រវឹងតែម្តង ព្រោះគ្រឿងស្រវឹងអាចរារាំងមិនឲ្យថ្លើមស្រូបយកសារធាតុចចិញ្ចឹមបានឡើយ។

អាហារសម្បូរជាតិស្ករ
ប្រសិនបើអ្នកមិនចង់កើតជំងឺក្រិនថ្លើមនោះទេ សូមជៀសវាងអាហារដែលមានជាតិស្ករច្រើន ដូចជា ស្ករគ្រាប់ ការ៉េម បង្អែម.ល.។ ការញ៉ាំអាហារទាំងនេះច្រើនពេក មិនត្រឹមតែបង្កអន្តរាយដល់ថ្លើមនោះទេ វាថែមទាំងអាចប៉ះពាល់ដល់សុខភាពជាច្រើនទៀត។

អាហារមានជាតិសូដ្យូមខ្ពស់
អំបិល ជាអាហារមានផ្ទុកជាតិសូដ្យូមខ្ពស់ ដែលអាចធ្វើឲ្យថ្លើមរងនូវការខូចខាតលឿនបំផុត។ មិនតែប៉ុណ្ណោះ ការទទួលទានអាហារដែលមានផ្ទុកជាតិសូដ្យូមច្រើពេក អាចបណ្តោលហើម ហើយសារធាតុរាវត្រូវឃាត់ទុកនៅក្នុងរាងកាយកាន់តែច្រើន។ ដូច្នេះ អ្នកត្រូវទទួលទានអាហារដែលមានជាតិសូដ្យូមទាប ដើម្បីទប់ស្កាត់បញ្ហារលាកថ្លើម និងក្រិនថ្លើមផងដែរ។

ចូលចិត្តផឹកភេសជ្ជ: ច្រើនជាងទឹក
ការទទួលទានភេសជ្ជ:ផ្សេងៗច្រើនជាងទឹក វាមិនល្អសម្រាប់សុខភាពថ្លើមនោះទេ ព្រោះផលិតផលភាគច្រើនត្រូវបានគេបន្ថែមសមាសធាតុគីមីច្រើន ដើម្បីឲ្យរក្សាទុកបានយូរ និងមានរសជាតិផ្អែមឆ្ងាញ់ មិនថា ពពួកទឹកក្រូច ទឹកផ្លែឈើ ឬភេសជ្ជ:ផ្សេងទៀតនោះឡើយ។ យកល្អ ដើម្បីថែរក្សាថ្លើមឲ្យមានសុខភាពល្អ អ្នកគួរតែកាត់បន្ថយអាហារប្រភេទនេះ ហើយទទួលទានទឹកឲ្យបានច្រើន៕

ប្រភព: boldsky