Post News Media ព័ត៌មានសុខភាព គ្រឿងទេស២មុខ ...

គ្រឿងទេស២មុខ បើញ៉ាំលើសកម្រិតអ្នកនឹងកើតជំងឺលើសឈាម

ចែកចាយបន្ត

អំបិល និងស្ករ គឺជាគ្រឿងទេសដែលពេញនិមយខ្លាំងបំផុតសម្រាប់មនុស្សនៅទូទាំងពិភពលោក ហើយវាក៏ជាធាតុផ្សំដែលមិនអាចខ្វះបាននៅក្នុងការចម្អិនម្ហូបអាហារគ្រប់ប្រភេទ។ ក៏ប៉ុន្តែ តើអ្នកធ្លាប់គេទេថា គ្រឿងទេសទាំងពីរមុខអាចបង្កឲ្យមានគ្រោះថ្នាក់ដល់សុខភាព? បើយោងតាមគេហទំព័រ boldsky បានបង្ហាញថា ការទទួលទានគ្រឿងទេសទាំងពីរមុខនេះលើសកម្រិត អាចបង្កឲ្យសម្ពាធឈាមឡើងខ្ពស់។

អំបិល: អំបិល គឺជាគ្រឿងទេសសម្បូរទៅដោយជាតិសូដ្យូម ដែលអាចបង្កឲ្យប៉ះពាល់ដល់បេះដូង និងសរសៃឈាមអាក់ទែ។ ជាក់ស្តែង ប្រសិនបើអ្នកទទួលទានលើសកម្រិត វាអាចធ្វើឲ្យសម្ពាធឈាមកើនឡើង ហើយឃាត់ជាតិទឹកនៅក្នុងរាងកាយថែមទៀត។

ការឃាត់ជាតិទឹកនេះហើយ ដែលជាដើមហេតុបង្កឲ្យសម្ពាធឈាមឡើងខ្ពស់ ដាក់សម្ពាធទៅលើតម្រងនោម ប៉ះពាល់ដល់សរសៃឈាមខួរក្បាល និងបេះដូង។ ហេតុនេះហើយ ដើម្បីកាត់បន្ថយផលប៉ះពាល់ អ្នកគួរតែជៀសវាងទទួលទានអាហារប្រៃពេក ឬកាត់បន្ថយការប្រើប្រាស់អំបិល។

ស្ករ: ស្ករ ក៏ជាគ្រឿងទេសដែលមិនអាចខ្វះបាន សម្រាប់បង្កើនរសជាតិរបស់អាហារឲ្យកាន់តែឈ្ងុយឆ្ងាញ់។ ប៉ុន្តែការទទួលទានស្ករច្រើនពេកអាចបណ្តោលឲ្យឡើងទម្ងន់ និងក្លាយទៅជាមនុស្សធាត់។ ភាពធាតុជ្រុលនេះហើយ ជាឬសគល់ ដែលធ្វើឲ្យសម្ពាធឈាមកើនឡើងខ្ពស់។

យកល្អ អ្នកគួរតែកាត់បន្ថយការប្រើប្រាស់ស្ករនៅក្នុងម្ហូបអាហារប្រចាំថ្ងៃ ដើម្បីគេចផុតជំងឺជំងឺលើសឈាម៕