អាការក្អក មិនត្រឹមតែរំខានដល់ការទទួលទានដំណេករបស់ទារកប៉ុណ្ណោះទេ វាថែមទាំងប៉ះពាល់ដល់ផ្លូវដង្ហើមធ្ងន់ធ្ងរប្រសិនបើបណ្តោលទុកយូរ។

នៅពេលដែលទារកចាប់ផ្តើមមានអាការក្អក អាណាព្យាបាលទាំងឡាយត្រូវប្រញាប់ទៅពិគ្រោះជាមួយនឹងគ្រូពេទ្យ ដើម្បីរកវិធីព្យាបាលឲ្យបានត្រឹមត្រូវ។ ក៏ប៉ុន្តែក្រៅពីប្រើប្រាស់ថ្នាំពេទ្យ នៅមានវិធីធម្មជាតិម្យ៉ាងទៀត ដែលឪពុកម្តាយគ្រប់រូបអាចប្រើប្រាស់ដោយខ្លួនឯងបាន ក្នុងការកម្ចាត់បញ្ហាក្អកនៅពេលយប់របស់ទារក។

កុមារមានអាយុចាប់ពី១ដល់៥ឆ្នាំ ដែលមានអាការក្អក ហៀរសំបោរ និងរោគសញ្ញានៃការឆ្លងមេរោគផ្លូវដង្ហើមផ្សេងទៀត អាចសាកល្បងប្រើប្រាស់ទឹកឃ្មុំបាន ព្រោះវាមានសមត្ថភាពដោះស្រាយបញ្ហាទាំងនេះបាន ហើយថែមទាំងធ្វើឲ្យទារកគេងលក់ស្រួល និងមិនប៉ះពាល់ដល់សុខភាពទារកឡើយ។

ការសិក្សាមួយក៏បានបង្ហាញដែរថា កុមារក្រោមអាយុ២ឆ្នាំ ងាយនឹងទទួលរងនូវការឆ្លងមេរោគលើផ្លូវដង្ហើមណាស់។ ដូច្នេះ អ្នកគួរតែប្រើប្រាស់ទឹកឃ្មុំ១ស្លាបព្រាកន្លះ ឲ្យកូនទទួលទានមុនពេលចូលគេង ដោយសារតែទឹកឃ្មុំ មានផ្ទុកសារធាតុប្រឆាំងនឹងអុកស៊ីតកម្ម និងសារធាតុប្រឆាំងនឹងមេរោគ។ លើសពីនេះទៅទៀត ទឹកឃ្មុំ មានប្រសិទ្ធភាពជាងការប្រើប្រាស់ថ្នាំក្អក និងថ្នាំត្រជាក់ ដែលទិញតាមឱស្ថាននានាថែមទៀត៕

ប្រភពៈ thehealthsite