Post News Media ព័ត៌មានសុខភាព ទម្លាប់៥ចំណុច...

ទម្លាប់៥ចំណុចបង្កឲ្យខូចឆ្អឹងខ្នង តែមនុស្សភាគច្រើនចូលចិត្តធ្វើរាល់ថ្ងៃ

ចែកចាយបន្ត

មានឆ្ងល់ទេថា ហេតុអ្វីបានអ្នកចេះតែមានការឈឺចាប់ឆ្អឹងខ្នង? មនុស្សភាគច្រើនតែងតែមានការត្អូនត្អែចំពោះអាការមួយនេះ ហើយវាមិនមែនកើតចំពោះតែមនុស្សចាស់នោះទេ សូម្បីតែក្មេងៗបច្ចុប្បន្នក៏ដូចគ្នាដែរ។ បើយោងតាមគេហទំព័រ soha បានចុះផ្សាយថា ការឈឺចាប់ឆ្អឹងខ្នង គឺបណ្តោលមកពីទម្លាប់៥ចំណុច ដែលមនុស្សភាគច្រើនធ្វើរាល់ថ្ងៃ ប៉ុន្តែពួកគេមិនដឹងខ្លួនឡើយ។

ខាងក្រោមនេះ គឺជាទម្លាប់មួយចំនួនដែលមិនត្រឹមតែធ្វើឲ្យប៉ះពាល់ដល់សុខភាពនោះឡើយ ថែមទាំងបង្កឲ្យខូចឆ្អឹងខ្នងថែមទៀត៖

ការជក់បារី
លោកវេជ្ជបណ្ឌិត Nathaniel Tindel ជាគ្រូពេទ្យផ្នែកវះកាត់នៅមន្ទីរពេទ្យ Lenox Hill ក្នុងទីក្រុងញ៉ូវយ៉ក បានមានប្រសាសន៍ថា ការជក់បារីអាចបណ្តោលឲ្យមានបញ្ហាឆ្អឹងខ្នង។ ព្រោះផ្សែងបារីអាចរារាំងដល់ចរន្តឈាមទៅកាន់សន្លាក់ឆ្អឹងកងខ្នង ដែលធ្វើឲ្យខ្សោះជាតិទឹក និងពិបាកក្នុងការស្រូបយកសារធាតុចិញ្ចឹម។

ដូច្នេះ ទើបវេជ្ជបណ្ឌិតបានណែនាំឲ្យឈប់ជក់បារី ដើម្បីការពារឆ្អឹងខ្នងកុំឲ្យខូច និងថែរក្សារាងកាយឲ្យមានសុខភាពល្អ។

ការប្រើប្រាស់ទូរស័ព្ទដៃ
យុវវ័យសម័យនេះញៀននឹងទូរសព្ទស្មាតហ្វូនខ្លាំងណាស់ ក៏ប៉ុន្តែការប្រើប្រាស់ទូរសព្ទច្រើនពេកមិនល្អសម្រាប់ខុសភាពនោះឡើយ ជាពិសេសប្រសិនបើអ្នកប្រើមិបានត្រឹមត្រូវ។ នៅពេលដែលអ្នកអោនក្បាលចុះ សម្លឹងមើលអេក្រង់ទូរសព្ទច្រើនហួសប្រមាណ នឹងកើតមានបញ្ហាឈឺក ឬឈឺខ្នងជាពុំខាន។ ប្រសិនបើអ្នកទម្លាប់បែបនេះរយ:ពេលយូរឆ្អឹងខ្នង របស់អ្នកនឹងចុះខ្សោយ ហើយសន្លាក់ឆ្អឹងកងខ្នង ក៏ងាយនឹងបំផ្លិចបំផ្លាញដែរ។

ដើម្បីជៀសវាងផលអាក្រក់មកលើឆ្អឹងខ្នង អ្នកគួរកាត់បន្ថយការប្រើប្រាស់ទូរសព្ទ ឬលើកទូរសព្ទឲ្យខ្ពស់ស្មើនឹងផ្ទៃមុខ កុំឲ្យក្បាលអោនចុះក្រោម។

អង្គុយច្រើនពេក
នៅពេលដែលអ្នកអង្គុយធ្វើការច្រើនពេក រាងកាយនឹងមានលក្ខណ:កោងទៅមុខ ហើយប្រសិនបើអ្នកទម្លាប់បែបនេះរយ:ពេលយូរ ឆ្អឹងខ្នង ច្បាស់ជាឆាប់ខូចបំផុត។ សញ្ញាដំបូងមុននឹង ឆ្អឹងខ្នង ត្រូវទទួលរងនូវការខូចខាត គឺ ឈឺស្មា ឈឺចាប់នៅតាមបណ្តោឆ្អឹងខ្នង។ ដូច្នេះ ដើម្បីជៀសផុតពីបញ្ហាមួយនេះ អ្នកគួរតែទម្លាប់អង្គុយឲ្យត្រង់ខ្លួន ហើយឧស្សាហ៍ងើបដើរឲ្យបានញឹកញាប់។

ស្ពាយកាបូបធ្ងន់ពេក
ទម្លាប់នៃការស្ពាយកាបូបធ្ងន់ពេកមិនល្អសម្រាប់ឆ្អឹងកងខ្នងឡើយ ព្រោះឆ្អឹងខ្នងមិនអាចបត់បែនបាន។ លើសពីនេះទៅទៀតការស្ពាយកាបូបធ្ងន់តែម្ខាង អាចធ្វើឲ្យវៀចឆ្អឹងខ្នងទៅម្ខាងដូចគ្នា។ ហេតុនេះសូមកាត់បន្ថយទម្លាប់ស្ពាយកាបូបធ្ងន់ ឬរបស់ដែលមិនចាំបាច់កុំដាក់នៅក្នុងកាបូបស្ពាយឲ្យសោះ។

ពាក់ស្បែកជើងកែងចោទ
ទម្លាប់ពាក់ស្បែកជើងកែងចោទ អាចដាក់សម្ពាធធ្ងន់ទៅលើឆ្អឹងកងខ្នង ដែលនាំឲ្យមានរោគសញ្ញាឈឺខ្នង ក និងស្មា។ យកល្អអ្នកគួរតែទម្លាប់ពាក់ស្បែកជើងរាបស្មើធម្មតា ឬជៀសវាងស្បែកជើងដែលមានកែងខ្ពស់ពេក។

ទាំងប៉ុន្មានចំណុចនេះហើយដែលធ្វើឲ្យខូចឆ្អឹងខ្នង តែមនុស្សភាគច្រើបានប្រព្រឹត្តរាល់។ អាស្រ័យហេតុនេះ ដើម្បីការពារឲ្យឆ្អឹងខ្នងមានសុខភាពល្អ សូមយកកែប្រែចំពោះទម្លាប់ទាំងប៉ុន្មានចំណុចនៅខាងលើនេះ៕

ប្រភព៖ soha