Post News Media ព័ត៌មានសុខភាព ផ្លែឈើ៥ប្រភេទ...

ផ្លែឈើ៥ប្រភេទ ជួយឲ្យអ្នកនៅតែស្អាត មិនធាត់ខូចរាង

ចែកចាយបន្ត

យើងគ្រប់គ្នាដឹងហើយថា របបអាហារគ្មានផាសុខភាពគឺជាកត្តាចម្បងបំផុតដែលធ្វើមនុស្សជាច្រើនធ្លាក់ខ្លួនទៅជាទាសករ នៃភាពធាត់។ មនុស្សមានបញ្ហាធាត់ច្បាស់ជាត្រូវប្រឈមនឹងជំងឺជាច្រើនដែលយើងនឹកស្មានពុំដល់ ជាពិសេសបញ្ហាទាក់ទងទៅនឹងសរសៃឈាមតែម្តង។ ទោះជាយ៉ាងណា បើយោងតាមគេហទំព័រ Brightside បានចុះផ្សាយថា ភាពធាត់អាចគ្រប់គ្រងបាន តាមរយ:ការទទួលទានផ្លែឈើមួយចំនួនជាប្រចាំ។ ខាងក្រោមនេះ គឺជាផ្លែឈើ៥ប្រភេទ ដែលអាចជួយដុតបំផ្លាញជាតិខ្លាញ់ ហើយថែមទាំងធ្វើឲ្យរាងកាយមានសុខភាពល្អ៖

ប៉េងប៉ោះ
អ្នកត្រូវប្រាដកថា បញ្ចូលប៉េងប៉ោះទៅក្នុងរបបអាហាររាល់ថ្ងៃ ព្រោះវាអាចជួយការបន្ថយបរិមាណនៃសារធាតុខ្លាញ់ និងកូឡេស្តេរ៉ុលក្នុងឈាមយ៉ាងមានប្រសិទ្ធភាព។ លើសពីនេះទៅទៀត ការបន្ថែមទឹកប៉េងប៉ោះ ឬប៉េងបោះស្រស់ទៅក្នុងអាហារ អាចជួយឲ្យអ្នកមានអារម្មណ៍ឆ្អែតបានយូរ មិនសូវមានចំណង់ញ៉ាំរបស់ផ្សេងទៀតឡើយ។

ផ្លែប៊ឺរ
មនុស្សមួយចំនួនចូលចិត្តផ្លែឈើមួយប្រភេទនេះខ្លាំងណាស់ ព្រោះវាមានរសជាតិឆ្ងាញ់ ហើយផ្តល់អត្រប្រយោជន៍ដល់សុខភាពថែមទៀត។ ជាពិសេសផ្លែបឺរ មានផ្ទុកអាស៊ីត oleic និងជាតិខ្លាញ់ monounsaturated ពីធម្មជាតិ ដែលអាចជួយកាត់បន្ថយភាពស្រេកឃ្លាន ព្រមទាំងការពារមិនឲ្យឡើងទម្ងន់។

ផ្លែវាល់ណាត់ និងអាល់ម៉ុន
ផ្លែឈើទាំងពីរប្រភេទនេះ មានផ្ទុកអូមេហ្គា-៣ និងប្រូតេអ៊ីនខ្ពស់ ដែលអាចជួយគ្រប់គ្រងជាតិស្ករ និងជួយជំរុញមេតាប៉ូលិស នៅក្នុងរាងកាយរបស់អ្នកឲ្យមានសកម្មភាព។ ការទទួលទានផ្លែឈើទាំងពីរនេះ អាចជួយកាត់បន្ថយអារម្មណ៍ស្រេកឃ្លាននៅពេលថ្ងៃ។

ផ្លែក្រូច
ក្រូចជាពពួកផ្លែឈើដែលល្បីល្បាយបំផុតផ្នែកវីតាមីន C ដែលអាចជួយកាត់បន្ថយកម្រិតអាំងស៊ុយលីន និងរំលាយជាតិខ្លាញ់ក្នុងរាងកាយលឿនបំផុត។ អ្នកអាចទទួលទានផ្លែក្រូច ឬបន្ថែមទឹកក្រូចឆ្មារទៅអាហាររាល់ថ្ងៃ រាងកាយនឹងមានសុខភាពល្អ។

ចេក
ចេក ត្រូវបានគេចាត់ទុកជាកំពូលផ្លែឈើដែលសម្បូរទៅដោយប៉ូតាស្យូម កាល់ស្យូម ម៉ាញ៉េស្យូម និងវីតាមីន ដែលរាងកាយត្រូវការចាំបាច់បំផុត។ ការទទួលទានចេកមួយផ្លែក្នុងចេកមួយថ្ងៃ អាចជួយឲ្យអ្នកឈ្នេះទៅលើការសម្រកទម្ងន់បានយ៉ាងប្រសើរ ហើយមានសុខភាពល្អថែមទៀត។

ក្រៅពីទទួលទានផ្លែឈើទាំងនេះ សូមកាត់បន្ថយការទទួលទានអាហារដែលសម្បូរជាតិខ្លាញ់ និងព្យាយាមធ្វើលំហាត់ប្រាណឲ្យបានទៀងទាត់៕

ប្រភព៖ brightside