Post News Media ព័ត៌មានសុខភាព ទទួលទានវីតាមី...

ទទួលទានវីតាមីនC កាន់តែច្រើនបេះដូងកាន់តែមានសុខភាពល្អ

ចែកចាយបន្ត

ហេតុអ្វីបានជាការទទួលទានវីតាមីនC ល្អសម្រាប់សរសៃឈាមបេះដូង? ជាទូទៅអាហារដែលជួយឲ្យបេះដូងមានសុខភាពល្អមានដូចជា ត្រីដែលសម្បូរទៅដោយសារធាតុខ្លាញ់អូមេហ្គា-៣ សណ្តែក ស្ពៃ ស្រូវសាឡី និងសូកូឡាខ្មៅ។ ទន្ទឹមនឹងនេះ វីតាមីនC ក៏ត្រូវបានចាត់ចូលជាអាហារដែលល្អសម្រាប់សរសៃឈាមបេះដូង និងសុខភាពបេះដូង ផងដែរ។ ការស្រាវជ្រាវបានបង្ហាញថា អ្នកដែលខ្វះវីតាមីន C អាចប្រឈមនឹងហានិភ័យនៃជំងឺសរសៃឈាមបេះដូង កម្រិតខ្ពស់។

វីតាមីន C ជាសារធាតុប្រឆាំងអុកស៊ីតកម្មដ៏មានអានុភាព ដែលត្រូវបានគេរកឃើញនៅក្នុងផ្លែឈើជាច្រើនដូចជា ក្រូចពណ៌លឿង ក្រូចឆ្មារ ស្ត្រប៊ឺរី ម្នាស់ ខាត់ណាផ្កាពណ៌ខៀវ .ល.។ ដើម្បីជួយឲ្យបេះដូងមានសុខភាពល្អ អ្នកគួរតែបន្ថែមអាហារទាំងនេះទៅក្នុងរបបអាហារជាប្រចាំ។

ក្នុងចំណោមមុខងារជាច្រើនរបស់វីតាមីន C គឺការព្យាបាល និងជួសជុលការខូរខាតរបស់រាងកាយឡើងវិញ ព្រមទាំងការស្រូបយកជាតិដែក។ សំខាន់ជាងនេះទៅទៀត សារធាតុប្រឆាំងអុកស៊ីតកម្មរបស់វា អាចជួយបំផ្លាញរ៉ាឌីកាល់សេរី ដែលអាចបណ្តោលមានបញ្ហាបេះដូង និងជំងឺដាច់សរសៃឈាមខួរក្បាល។ វីតាមីន C ក៏អាចការពារការផ្លាស់ប្តូរអុកស៊ីតកម្ម ទៅជាកូឡេស្តេរ៉ុលអាក្រក់(LDL) ដែលបណ្តោលឲ្យកើតមានជំងឺក្រិនសរសៃឈាម។ នៅក្នុងការសិក្សាមួយដែលបានធ្វើឡើងនៅសាកលវិទ្យាល័យ Colorado បានរកឃើញថា ការទទួលទានវីតាមីន C ជារៀងរាល់ថ្ងៃ ធ្វើឲ្យប្រសើរឡើងនូវមុខងារនៃសរសៃឈាម។

ដើម្បីធានាថា អ្នកអាចទទួលបានវីតាមីនC គ្រប់គ្រាន់ សម្រាប់រាងកាយ អ្នកគួរតែទទួលទានទឹកក្រូចច្របាច់មួយថ្ងៃមួយកែវ ឬទទួលទានផ្លែឈើស្រស់ដែលសម្បូរវីតាមីន C ឲ្យបានច្រើន៕

ប្រភព៖ thehealthsite