Post News Media ព័ត៌មានសុខភាព អាថ៌កំបាំងថែរ...

អាថ៌កំបាំងថែរក្សាសម្រស់ឲ្យក្មេងជាងវ័យ ជាមួយផ្លែប៊ឺរ និងទឹកឃ្មុំ

ចែកចាយបន្ត

ស្បែកមុខ គឺជាសរីរាង្គមួយផ្នែកដែលមានសភាពស្តើងជាងគេបង្អស់ បើប្រៀបធៀបជាមួយនឹងស្បែកនៅទូទាំងរាងកាយ។ ប្រសិនបើអ្នកមិនចេះថែរក្សាទៀតនោះ ស្បែកមុខច្បាស់ជាងាយប្រឈមនឹងបញ្ហាផ្សេងៗ ជាពិសេសបញ្ហាស្នាមជ្រីវជ្រួញតែម្តង។ ស្នាមជ្រីវជ្រួញនេះ ត្រូវបានគេចាត់ទុកជាសញ្ញាដំបូងនៃភាពចាស់ ដោយសារតែការផលិតស្រទាប់ខូឡាជែន (collagen) នៅក្រោមស្បែកមានភាពយឺតយ៉ាវ។

ទោះជាយ៉ាងណារោគសញ្ញានៃភាពចាស់អាចកាត់បន្ថយបាន ដោយប្រើប្រាស់ទឹកឃ្មុំ និងផ្លែប៊ឺរ។ ទឹកឃ្មុំ គឺជាភ្នាក់ងារបំបាត់ការខូចខាតបែបធម្មជាតិ និងផ្តល់សំណើមដល់ស្បែកគ្រប់ពេល។ ចំណែកឯផ្លែប៊ឺរ អាចជួយបង្កើនការផលិតស្រទាប់ខូឡាជែន ដើម្បីថែរក្សាផ្ទៃមុខឲ្យជៀសផុតពីភាពជ្រីវជ្រួញ។

ធាតុផ្សំ៖
ផ្លែប៊ឺរទុំ ១ផ្លែ
ទឹកឃ្មុំ ២ស្លាបព្រាកាហ្វេ
វីតាមីន E ១គ្រាប់

របៀបអនុវត្ត៖
១.ពុះផ្លែប៊ឺរជាពីរចំណែក រួចប្រើស្លាបព្រាដួលយកសាច់ដាក់ចូលក្នុងចានមួយ។
២.បន្ថែមទឹកឃ្មុំ និងវីតាមីនE ចូលតាមក្រោយ ហើយប្រើស្លាបព្រាកិនឲ្យម៉ត់ក្លាយទៅជាល្បាយ។
៣.បន្ទាប់មក យកល្បាយនេះទៅលាបថ្នមៗឲ្យសព្វពេញផ្ទៃមុខ។
៤.រងចាំឲ្យល្បាយធ្វើសកម្មភាពរយ:ពេល២០នាទី ទើបលាងសម្អាតជាមួយនឹងទឹកត្រជាក់ធម្មតា។
៥.សូមព្យាយាមអនុវត្តជារៀងរាល់ពេលល្ងាច ហើយក្នុងមួយសប្តាហ៍យ៉ាងហោចណាស់ឲ្យបាន៣ដង៕

ប្រភព៖ boldsky