Post News Media ព័ត៌មានសុខភាព ស្វែងយល់ពីជំង...

ស្វែងយល់ពីជំងឺដាច់សរសៃឈាមខួរក្បាល និងវិធីការពារ

ចែកចាយបន្ត

ជំងឺដាច់សរសៃឈាមខួរក្បាល(ឬគេហៅម្យ៉ាងទៀតថា ស្ត្រូក) គឺមូលហេតុចម្បងដែលអាចបណ្តោលឲ្យអ្នកជំងឺត្រូវពិការភាព ឬក៏ស្លាប់ ជាប់ចំណាត់ថ្នាក់ទី២នៅក្នុងចំណោមជំងឺដ៏កាចសាហាវផ្សេងៗ។ ក្នុងពេលបច្ចប្បន្ននេះ ជំងឺដាច់សរសៃឈាមខួរក្បាល កំពុងតែកើនឡើងយ៉ាងខ្លាំងនៅទូទាំងពិភពលោក ហើយសូម្បីតែមនុស្សវ័យក្មេងក៏អាចកើតមានដែរ។ អ្វីដែលគួរឲ្យបារម្ភខ្លាំងបំផុតនោះ គឺដោយសារតែខ្វះការយល់ដឹង ទើបអ្នកជំងឺជាច្រើនត្រូវបានគេធ្វើរោគវិនិច្ឆ័យឃើញយឺតពេល និងបណ្តាលឲ្យស្លាប់បាន។

តើជំងឺដាច់សរសៃឈាមខួរក្បាលជាអ្វី?
ជំងឺដាច់សរសៃឈាមខួរក្បាល សំដៅទៅលើកង្វះខាតនៃការផ្គត់ផ្គង់ឈាមទៅកាន់ខួរក្បាល ដោយសារតែស្ទះសរសៃឈាម។ ម្យ៉ាងវិញទៀត នៅពេលដែលកោសិកាខួរក្បាលមិនអាចទទួលបរិមាណអុកស៊ីសែន និងគ្លុយកូសគ្រប់គ្រាន់ វាក៏បណ្តាលឲ្យដាច់សរសៃឈាមខួរក្បាលផងដែរ។ នៅពេលមានជំងឺនេះកើតឡើង ប្រសិនបើអ្នកជំងឺមិនបានទទួលអន្តរាគមន៍ពីផ្នែកវិទ្យាសាស្ត្របានត្រឹមត្រូវនោះទេ វានឹងបណ្តោលឲ្យគ្រោះថ្នាក់ដល់ខួរក្បាល និងបង្កឲ្យស្លាប់ផងដែរ។

តើអ្នកណាមានហានិភ័យនៃជំងឺដាច់សរសៃឈាមខួរក្បាលកម្រិតខ្ពស់?
មនុស្សដែលមានអាយុលើសពី ៤៥ឆ្នាំ មានហានិភ័យខ្ពស់ក្នុងការវិវត្តទៅរកជំងឺដាច់សរសៃឈាមខួរលក្បាល។ មិនតែប៉ុណ្ណោះ អ្នកជំងឺទឹកនោមផ្អែម ជំងឺលើសឈាម ជំងឺបេះដូង មនុស្សធាត់ កូឡេស្តេរ៉ុលឡើងខ្ពស់ អ្នកជក់បារី អ្នកសេពគ្រឿងស្រវឹងរយ:ពេលយូរ និងអ្នកនៅស្រណុកសុខស្រួលមិនសូវធ្វើសកម្មភាពអ្វីសោះ ក៏ប្រឈមនឹងហានិភ័យខ្ពស់ផងដែរ។

ធ្វើដូចម្តេចទើបអាចការពារជំងឺដាច់សរសៃឈាមខួរក្បាលបានទៅ?
វិធីការពារជំងឺដាច់សរសៃឈាមខួរក្បាល គ្មានអ្វីពិបាកនោះទេ គ្រាន់តែអ្នកព្យាយាមធ្វើលំហាត់ប្រាណទៀងទាត់ គេងឲ្យបានគ្រប់គ្រាន់ ជៀសវាងរបបអាហារសម្បូរជាតិខ្លាញ់ និងនៅឲ្យឆ្ងាយពីគ្រឿងស្រវឹង តែប៉ុណ្ណោះ។ ជាពិសេសមនុស្សដែលមានវ័យ ៤៥ឆ្នាំឡើងទៅ ឬអ្នកដែលមានប្រវត្តិគ្រួសារធ្លាប់មានជំងឺនេះ គួរតែឧស្សាហ៍ពិនិត្យសុខភាពឲ្យបានទៀងទាត់។

តើអ្នកកើតជំងឺដាច់សរសៃឈាមខួរក្បាលមានសង្ឈឹមរស់ទេ?
ការរស់រានមានជីវិត គឺអាស្រ័យទៅលើពេលវេលាដែលនៃជំងឺដែលកើតមាន ប្រសិនបើអ្នកធ្វើរោគវិនិច្ឆ័យឃើញរោគសញ្ញាដំបូង អាចព្យាបាលឲ្យជាឡើងវិញបាន ក៏ប៉ុន្តែប្រសិនបើជំងឺកើតមានយូរហើយ អ្នកអាចពិការភាពមួយជីវិត ឬស្លាប់បាន៕

ប្រភព៖ boldsky