Post News Media ព័ត៌មានសុខភាព កាត់បន្ថយខ្លះ...

កាត់បន្ថយខ្លះទៅ! មើលទូរស្សន៍ច្រើនពេកប្រឈមនឹងជំងឺកកឈាម

ចែកចាយបន្ត

ប្រសិនបើអ្នកមានទម្លាប់មើលទូរស្សន៍យូរពេកគួរតែកាត់បន្ថយខ្លះទៅ ព្រោះការអង្គុយយូរអាចបង្កើនហានិភ័យនៃជំងឺកកឈាមកម្រិតខ្ពស់។ ជាពិសេសប្រសិនបើអ្នកអង្គុយយូរ ហើយញ៉ាំអាហារសម្រន់ទៀតនោះ ស្ថានភាពកាន់តែអាក្រក់។

បើយោងតាមការស្រាវជ្រាវថ្មីមួយបានរកឃើញថា ហានិភ័យនៃការកកឈាមក្នុងសរសៃដៃ ជើង ឆ្អឹងត្រគាក និងសួត មានការកើនឡើងយ៉ាងខ្លាំងចំពោះអ្នកដែលចំណាយពេលមើលទូរស្សន៍យូរ។

អ្នកស្រាវជ្រាវបានយកចិត្តទុកដាក់ និងបានពិនិត្យមើលលើអ្នកចូលរួមវ័យកណ្តោលចំនួន ១៥,១៥៨នាក់ ដែលមានអាយុចាប់ពី៤៥ទៅ៦៤ឆ្នាំ បានរកឃើញថា អ្នកដែលបានមើលទូរស្សន៍ច្រើន ប្រឈមនឹងហានិភ័យកកឈាមខ្ពស់ជាងអ្នកមិនមើលទូរស្សន៍ ឬមើលតិចរហូតដល់ ១,៧ដង។

ហេតុនេះហើយ ប្រសិនបើអ្នកចង់គេចឲ្យឆ្ងាយពីបញ្ហាកកឈាម គួរតែកាត់បន្ថយការអង្គុយមើលទូរស្សន៍យូរពេក៕

ប្រភព៖ boldsky

ចែកចាយបន្ត