Post News Media ព័ត៌មានសុខភាព រុក្ខជាតិ៣ប្រ...

រុក្ខជាតិ៣ប្រភេទ ប្រសិនបើស្ត្រីមានគភ៌ហិតហើយ អាចកាត់បន្ថយបញ្ហាក្អួតចង្អោរភ្លាម

ចែកចាយបន្ត

ស្ត្រីដែលចាប់ផ្តើមមានគភ៌ ភាគច្រើនតែងតែជួបប្រទះបញ្ហាក្អួតចង្អោរ ឬគេហៅថា ចាញ់គភ៌។ មានអ្នកខ្លះ សូម្បីតែឃើញអាហារ ឬធំក្លិនមិនល្អតែបន្តិច ក៏ចង់មានអាហារមិនស្រួលដែរ ជាពិសេសក្នុងអំឡុងពេល៣ខែដំបូង។ ក៏ប៉ុន្តែបើយោងតាមគេហទំព័រ thehealthsite បានចុះផ្សាយថា អាការចង់ក្អួតចង្អោរអាចកាត់បន្ថយបាន ដោយគ្រាន់តែហិតក្លិនរបស់រុក្ខជាតិមួយចំនួនតែប៉ុណ្ណោះ។

ជីអង្កាម
តើអ្នកធ្លាប់លឺជីអង្កាម ត្រូវបានគេប្រើសម្រាប់ផ្សំនៅក្នុងផលិតផលផ្សេងៗដែរឬទេ? មិនថាតែស្ករកៅស៊ូ ឬថ្នាំដុសធ្មេញមួយចំនួននោះទេ សុទ្ធតែផ្សំឡើងពីជីអង្កាមដើម្បីធ្វើឲ្យមានក្លិនក្រអូបប្រហើរគួរឲ្យចង់ហិត។ មិនតែប៉ុណ្ណោះ ក្លិនក្រអូបឈ្ងុយនៃជីអង្កាម ក៏អាចជួយបង្ក្រាបអាការចង់ក្អួតចង្អោររបស់ស្ត្រីមានផ្ទៃពោះផងដែរ។

ក្នុងការប្រើប្រាស់គ្មានអ្វីពិបាកនោះទេ អ្នកគ្រាន់តែបេះស្លឹកជីអង្កាមដាក់នៅក្នុងកូនថង់តូចមួយទុកគ្រាន់ហិត នៅពេលដែលមានអាការចង់ក្អួតចង្អោរកើតឡើង។

ខ្ញី
អត្ថប្រយោជន៍ដ៏អស្ចារ្យចំពោះសុខភាពនៃមើមខ្ញី ត្រូវបានគាំទ្រដោយអ្នកវិទ្យាសាស្ត្រទូទាំងពិភពលោក។ ប៉ុន្តែរឿងមួយទៀងដែលមនុស្សជាច្រើនមិនទាន់ដឹង គឺក្លិននៃខ្ញី អាចបំបាត់អាការក្អួតចង្អោររបស់ស្ត្រីមានផ្ទៃពោះយ៉ាងពូកែបំផុត។

អ្នកគ្រាន់តែហាន់ខ្ញី ២ទៅ៣ចំណិត រុំនៅក្នុងកូនកន្សែងតូចមួយ ហើយប្រើនៅពេលដែលអ្នកចាប់ផ្តើមមានអារម្មណ៍ចង់ក្អួតចង្អោរ។ សូម្បីតែអ្នកពុលឡាននៅពេលដែលស្រូបយកក្លិនខ្ញី ក៏អាចជួយសម្រាលបានខ្លះដែរ។

ក្រូចឆ្មារ
ក្លិនស្រស់នៃក្រូចឆ្មារ អាចធ្វើឲ្យអ្នកមានអារម្មណ៍ល្អ ប្រសិនបើអ្នកដាក់វានៅជាប់ក្បែរខ្លួន។ អ្នកអាចយកសំបកក្រូចឆ្មារមកស្រូបក្លិន ឬជញ្ជក់ក្រូចឆ្មារមួយចំណិតក៏បានដែរ។ ក្លិននៃក្រូចឆ្មារ ត្រូវបានគេចាត់ទុកជាថ្នាំធម្មជាតិដែលអាចប្រឆាំងនឹងអាការក្អួតតចង្អោរយ៉ាងមានប្រសិទ្ធភាព៕

ប្រភព៖ thehealthsite

ចែកចាយបន្ត