ជាធម្មតាអ្នកជំនាញបានណែនាំឲ្យយើងគ្រប់គ្នាទទួលទានទឹកចំនួន ៨កែវ ឬស្មើនឹង ២លីត្រក្នុងមួយថ្ងៃ ដើម្បីបំពេញតម្រូវការរបស់រាងកាយ។ ក៏ប៉ុន្តែមនុស្សម្នាក់ៗមានតម្រូវការខុសៗគ្នា ដោយពឹងផ្អែកលើកត្តាមួយចំនួនដូចជា ទម្ងន់ ស្ថានភាពការងារ និងអាកាសធាតុជាដើម។ ជាពិសេស អ្នកដែលធ្វើការក្រោមពន្លឺថ្ងៃ និងបញ្ចេញញើសច្រើន គឺត្រូវការទឹកកាន់តែច្រើន លើសពី ២លីត្រ។

ទោះជាយ៉ាងណាបើយោងតាមគេហទំព័រ Boldsky បានឲ្យដឹងថា នៅពេលអាសធាតុកំពុងតែក្តៅ មនុស្សភាគច្រើនតែងតែធ្វើទម្លាប់មួយចំនួន ដើម្បីឲ្យរាងកាយត្រជាក់ ប៉ុន្តែទម្លាប់ទាំងនោះអាចបង្កគ្រោះថ្នាក់ទៅវិញ។

១.ផឹកទឹកត្រជាក (ទឹកក្លាសេ ឬទឹកក)
បន្ទាប់ពីធ្វើការក្រោមកម្តៅថ្ងៃ បើបានទឹកត្រជាក់មួយកែវពិតជាល្អប្រសើរខ្លាំងណាស់ នេះបើតាមការគិតរបស់យើងគ្រប់គ្នា។ ក៏ប៉ុន្តែ អ្នកជំនាញបាននិយាយថា ការផឹកទឹកត្រជាកអំឡុងពេលនេះ មិនល្អសម្រាប់សុខភាពនោះទេ។

ទឹកត្រជាក់ អាចធ្វើឲ្យថយចុះនៃសកម្មភាពនៃប្រព័ន្ធរំលាយអាហារ ហើយអាចបណ្តោលឲ្យមានកំណកឈាមសម្រាប់អ្នកដែលធាត់លើសទម្ងន់។ ហេតុនេះ សូមជំនួសទឹកត្រជាក់ ដោយប្រើទឹកក្តៅឧណ្ឌៗវិញល្អជាង។

២.ទទួលទានទឹកច្រើនក្នុងពេលដ៏ខ្លី
ការទទួលទានទឹកច្រើនក្នុងពេលដ៏ខ្លី ក៏ជាទម្លាប់មិនល្អដែរ ព្រោះវាអាចធ្វើឲ្យឈាមខាប់ ហើយបង្កើនបន្ទុកដល់បេះដូង។ ចំណុចនេះ អ្នកមិនត្រូវបង្ខំផឹកទទួលទានទឹកច្រើនភ្លាមៗនោះទេ គឺផឹកម្តងមួយកែវ ឲ្យបានច្រើនដង ទើបប្រសើរ។

៣.ទទួលទានភេសជ្ជៈមានជាតិកាបូន
ភេជ្ជៈដែលមានផ្ទុជាតិស្ករ ឬជាតិស្ករសប្បនិម្មិតច្រើន ត្រូវបានគេចាត់ទុកជាភេជ្ជៈដែលបង្កគ្រោះថ្នក់ដល់សុខភាព បើទោះបីជាមិនស្ថិតនៅក្នុងរដូវក្តៅក៏ដោយ។

សារធាតុគីមីនៅក្នុងភេសជ្ជៈទាំងនេះ ត្រូវបានគេរកឃើញរហូតដល់ទៅ ៩២ប្រភេទ ដែលអាចធ្វើឲ្យមានបញ្ហាដុំសាច់ក្នុងខួរក្បាល ភាពមិនប្រក្រតីនៃខួរក្បាល កើតជំងឺទឹកនោមផ្អែម រំខាន់ដល់អារម្មណ៍ ឬកើតជំងឺឆ្កួតជ្រូក។

លើសពីនេះទៅទៀត ការទទួលទានភេសជ្ជៈដែលមានជាតិកាបូន ច្រើន ពេលអាកាសធាតុកំពុងក្តៅ មិនអាចជួយឲ្យរាងកាយត្រជាកបាននោះទេ តែផ្ទុយទៅវិញវាបន្ថែមស្ថានភាពកាន់តែធ្ងន់ធ្ងរឡើង ដែលធ្វើឲ្យអ្នកឈឺក្បាល និងដុះដុំសាច់ក្នុងខួរក្បាល៕

ដកស្រង់ពី៖ Boldsky