កូលេស្តេរ៉ុល ត្រូវបានគេបែកចែកជាពីរប្រភេទ គឺកូលេស្តេរ៉ុលល្អ និងកូលេស្តេរ៉ុលអាក្រក់។ ក្នុងករណីកូលេស្តេរ៉ុលអាក្រក់ កើនឡើងក្នុងរាងកាយកាន់តែច្រើនឡើង អ្នកច្បាស់ជាប្រឈមនឹងបញ្ហាសុខភាពជាច្រើន ជាពិសេសជំងឺធ្ងន់ធ្ងរ ៣មុខនេះ។

គាំងបេះដូង
នៅពេលកូលេស្តេរ៉ុល បង្កើនឡើងតាមជញ្ជាំងសរសៃឈាម វានឹងរារាំងអុកស៊ីសែន និងលំហូរឈាម ទៅកាន់បេះដូង។ កង្វះអុកស៊ីសែន និងលំហូរឈាមនេះហើយ ដែលបណ្តោលឲ្យមនុស្សមួយចំនួនគាំងបេះដូងស្លាប់។

នៅពេលដែលជំងឺគាំងបេះដូង ចាប់ផ្តើមកើតឡើង អ្នកនឹងមានអារម្មណ៍ពិបាកដកដង្ហើម ឈឺទ្រូង បែកញើសច្រើន និងអាចខ្យល់គដួលសន្លប់ក៏មានដែរ។ ដូច្នេះ ប្រសិនបើអ្នកជួបប្រទេះរោគសញ្ញាទាំងនេះញឹកញាប់ គួរតែប្រញាប់ទៅជួបគ្រូពេទ្យភ្លាម។

ដាច់សរសៃឈាមខួរក្បាល
ជំងឺដាច់សរសៃឈាមខួរក្បាល អាចកើតមាននៅពេលដែលឈាមត្រូវបញ្ចូនទៅកាន់ខួរក្បាលត្រូវបានរារាំស្ទះ ឬបង្រួមតូច ដោយសារកូលេស្តេរ៉ុលអាក្រក់។
ប្រសិនបើកោសិកាខួរក្បាលមិនបានទទួលអុកស៊ីសែន និងឈាមគ្រប់គ្រាន់ទេ អ្នកអាចប្រឈមនឹងក្តីស្លាប់ ដោយសារតែដាច់សរសៃឈាមខួរក្បាល។ សញ្ញានៃជំងឺដាច់សរសៃឈាមខួរក្បាល រួមមាន និយាយមិនច្បាស់ វេចមុខមាត់ ខ្វិនដើរមិនរួច ស្ពឹកមុខ ស្ពឹករាងកាយ ឬភ្នែកមើលមិនច្បាស់។

សម្ពាធឈាមឡើងខ្ពស់
នៅពេលដែលកម្រិតកូលេស្តេរ៉ុលអាក្រក់ នៅតាងជាប់តាមជញ្ជាំងសរសៃឈាម អាចរាំងស្ទះដល់ចរន្តឈាម ដែលបង្ខំឲ្យបេះដូង ធ្វើការធ្វើដង។ លើសពីនេះ ប្រសិនបើកូលេស្តេរ៉ុល កើនឡើងកាន់តែច្រើន វានឹងបណ្តោលឲ្យសម្ពាធឈាមឡើងកាន់តែខ្ពស់។

ដើម្បីគ្រប់គ្រងកូលេស្តេរ៉ុល អ្នកគួរតែព្យាយាមទទួលទានអាហារដែលមានជាតិខ្លាញ់ទាប រក្សាទម្ងន់ឲ្យមានស្ថិរភាព ធ្វើលំហាត់ប្រាណឲ្យបានទៀងទាត់ និងធ្វើតេស្តសុខភាព រៀងរាល់ ៦ខែម្តង៕

ដកស្រង់ពី៖ soha