គុណប្រយោជន៍ដ៏អស្ចារ្យរបស់ខ្ញីសម្រាប់ស្បែក៖

អ្នកណាក៏ស្គាល់មើមខ្ញីច្បាស់ដែរ ក៏ប៉ុន្តែចំពោះគុណប្រយោជន៍របស់វាវិញប្រហែលជាមិនទាន់ដឹងអស់នោះទេ។ ក្រៅពីមានសមត្ថភាពអាចជួយព្យាបាលជំងឺផ្តាសាយ ខ្ញីមានផ្ទុកសារធាតុប្រឆាំងអុកស៊ីតកម្មដែលអាចជួយកម្ចាត់បញ្ហាស្បែកច្រើនយ៉ាង ជាពិសេសស្បែកមានស្នាមអុជខ្មៅដោយសារតែភាពចាស់។

រូបមន្តងាយៗ ៣យ៉ាង កម្ចាត់ស្នាមអុជខ្មៅ៖

ខាងក្រោមនេះគឺជារូបមន្តងាយៗ ៣យ៉ាងដែលអាចកម្ចាត់ស្នាមអុជខ្មៅពូកែលើសពីការស្មាន៖

១. ខ្ញី និងប្រទាលកន្ទុយក្រពើ៖

យកទឹកខ្ញី និងទឹកប្រទាល់កន្ទុយក្រពើ ក្នុងបរិមាណស្មើគ្នាលាយបញ្ចូលគ្នាឲ្យសព្វល្អ។

បន្ទាប់មកប្រើសំឡីកប្បាស ជ្រលក់ក្នុងល្បាយនេះ រួចយកមកជូតនៅលើតំបន់ដែលមានស្នាមខ្មៅ។

រងចាំរយៈពេល ២០នាទីទើបលាងសម្អាតជាមួយនឹងទឹកក្តៅឧណ្ឌៗ។

ព្យាយាមអនុវត្ត ៣ដងក្នុងមួយសប្តាហ៍ទើបឆាប់បានផល។

២. ខ្ញី និងទឹកក្រូចឆ្មារ៖

ប្រើម្សៅខ្ញីមួយស្លាបព្រាកាហ្វេ លាយជាមួយនឹងទឹកក្រូចឆ្មារកន្លះស្លាបព្រាកាហ្វេ ឲ្យក្លាយជាល្បាយសាច់មួយ។

ចាប់ផ្តើមលាបនៅលើផ្ទៃមុខរយៈពេល ៣០នាទី។

លាងជម្រេះចេញជាមួយនឹងទឹកត្រជាក់ធម្មតា។

ក្នុងមួយសប្តាហ៍អនុវត្តឲ្យបាន ៣ដង ស្នាមអុជខ្មៅក៏បាន មុនក៏បានដែរ។

៣. ខ្ញី និងទឹកឃ្មុំ៖

លាយម្សៅខ្ញីមួយស្លាបព្រា ជាមួយនឹងទឹកឃ្មុំមួយស្លាបព្រាដូចគ្នា។

បន្ទាប់មកលាបនៅលើផ្ទៃមុខ ជាពិសេសកន្លែងដែលកើតមានបញ្ហា។

រយៈពេល ១៥ ទៅ ២០នាទី ទើបលាងសម្អាតចេញដោយប្រើទឹកក្តៅឧណ្ឌៗ។

អ្នកគួរតែអនុវត្តរូបមន្តមួយនេះយ៉ាងហោចណាស់ ២ដងក្នុងមួយសប្តាហ៍ដើម្បីឆាប់ទទួលបានផល។

សូមបញ្ជាក់៖ មុននឹងប្រើប្រាស់រូបមន្តណាមួយ អ្នកគួរតែសាកល្បងលាបលើស្បែកបន្តិចបន្តួចសិន ដើម្បីប្រាកដថាមិនមានប្រតិកម្មអាឡែហ្ស៊ី។ ប្រសិនបើអ្នកមានស្បែកងាយប្រតិកម្ម ឬមានបញ្ហាស្បែកធ្ងន់ធ្ងរ សូមពិគ្រោះជាមួយគ្រូពេទ្យសើស្បែកមុននឹងប្រើប្រាស់រូបមន្តទាំងនេះ។