Post News Media ព័ត៌មានសុខភាព អានចប់ ទើបស្ត...

អានចប់ ទើបស្តាយក្រោយពេលដែលបោះចោលសំបកចេក

ចែកចាយបន្ត

បរទេស: ចេកគឺជាផ្លែឈើមួយប្រភេទដែលផ្តល់អត្ថប្រយោជន៍មិនគួរឲ្យជឿចំពោះសុខភាព ព្រោះវាសម្បូរទៅដោយវីតាមីន, រ៉ែ និងសារធាតុប្រឆាំងអុកស៊ីតកម្ម។

ប៉ុន្តែតើអ្នកមានទម្លាប់បោះចោលសំបកចេក ក្រោយពេលទទួលទានរួចមែនទេ? បន្ទាប់ពីបានដឹងគុណសម្បត្តិដ៏ច្រើនសើសលប់របស់វាហើយ អ្នកច្បាស់ជាស្តាយ ហើយលែងហ៊ានបោះចោលដូចមុនទៀតហើយ។

ខាងក្រោមនេះ គឺជាភាពអស្ចារ្យនៃការប្រើប្រាស់សំបកចេក:

ឈឺក្បាល
ចេកសម្បូរទៅដោយសារធាតុប៉ូតាស្យូម និងរ៉ែ ដែលអាចជួយបំបាត់អាការ:ឈឺក្បាលបាន។ ក្នុងការព្យាបាលអ្នកគ្រាន់តែយកសំបកចេកបិទឲ្យពេញលើថ្ងាស ឬកញ្ចឹងកជាការស្រេច។

ឬស
យកសំបកចេកមួយចំហៀងបិទពីលើឬស រួចយកបង់រុំទុកចោលមួយយប់។ អនុវត្តវិធីនេះឲ្យបានទៀងទាត់ ទើបជំងឺឆាប់ជាសះស្បើយ។

ជំងឺរបកស្បែកក្រហម
សំបកចេកអាចជួយផ្តល់សំណើមដល់ស្បែក និងបន្ថយការរមាស់ដែលបង្កឡើងដោយសារតែជំងឺរបកស្បែកក្រហម។ អ្នកគ្រាន់តែយកសំបកចេកលុញនៅលើតំបន់នោះ ២ ទៅ ៣ដង ក្នុងមួយថ្ងៃ ស្ថានភាពនឹងធូរស្រាលយ៉ាងឆាប់រហ័ស។

រមាស់ និងឡើងកន្ទួល
ដើម្បីបំបាត់អាការ:រមាស់ និងឡើងកន្ទួល អ្នកត្រូវយកសំបកចេញលុញត្រង់តំបន់ដែលមានបញ្ហា ហើយមិនយូរទេស្បែកនឹងត្រឡប់មកធម្មតាវិញ។

ធ្វើឲ្យធ្មេញស
យកសំបកចេកទៅដុសនៅលើធ្មេញជារៀងរាល់ថ្ងៃ វានឹងសជាងមុនក្នុងរយ:ពេលពីរបីសប្តាហ៍។

ព្យាបាលជំងឺឬសដូងបាត
សំបកចេកក៏អាចព្យាបាលជំងឺឬសដូងបាតផងដែរ ប៉ុន្តែអ្នកត្រូវយកសំបកចេញត្រដុសត្រង់តំបន់ដែលរងនូវផលប៉ះពាល់រយ:ពេល ៥នាទី ហើយមួយថ្ងៃឲ្យបាន ៥ដង អ្នកនឹងចាប់ផ្តើមមានអារម្មណ៍ធូរស្រាលជាងមុន។

សត្វល្អិតទិច ឬខាំ
យកសំបកចេកញើត្រង់កន្លែងដែលសត្វល្អិតខាំ សភាពរមាស់ ឬហើមនឹងចាប់ផ្តើមថយចុះបន្តិចម្តងៗ។

កើតមុន
យកសំបកចេកត្រដុសលើតំបន់ដែលរងនូវផលប៉ះពាល់ វាអាចកាត់បន្ថយការរលាក និងការពារមិនឲ្យរីករាលដាលដោយសារតែមុន។

ស្នាមជាំ

សំបកចេកមានគុណសម្បត្តិមិនគួរឲ្យជឿក្នុងការពន្លឿននៃការព្យាបាលស្នាមជាំ ឲ្យឆាប់ជាសះស្បើយ។

ជាថ្នាំដុសខាត់

មិនថាតែគ្រឿងសង្ហារឹម, ឧបករណ៍នៅក្នុងផ្ទះបាយ ឬស្បែកជើងនោះទេ សំបកចេកអាចដុសខាត់ឲ្យភ្លឺរលាងវិញបាន៕

stop-throwing-banana