Post News Media ព័ត៌មានសុខភាព ប្រើរូបមន្តទា...

ប្រើរូបមន្តទាំងនេះ លែងមានបញ្ហាស្បែកអាក្រក់ទៀតហើយ

ចែកចាយបន្ត

តើសុភាពនារីទាំងឡាយកំពុងតែជួបនឹងបញ្ហាស្បែកខ្មៅស្រអាប់ គ្មានភាពទាក់ទាញមែនទេ? តើសុភាពនារីទាំងឡាយចង់បានស្បែកទន់រលោង ហើយមើលទៅក្មេងជាងវ័យមែនទេ? បញ្ហាអស់ទាំងនេះអាចដោះស្រាយបាន។

អ្នកអាចប្រើប្រាស់ឱសថច្នៃចេញពីធាតុផ្សំធម្មជាតិដែលចំណាយដើមតិច ប៉ុន្តែវាពិតជាមានប្រសិទ្ធភាព ហើយមិនប៉ះពាល់ដល់ស្បែកដូចជាផលិតផលគីមីផ្សេងៗឡើយ។

ប្រទាលកន្ទុយក្រពើ និងក្រូចឆ្មា៖ ធាតុផ្សំទាំងពីរមុខនេះលាយបញ្ចូលគ្នា អាចជួយជំរុញដល់ឈាមរត់ក្រោមស្បែក, ធ្វើស្បែកមានពណ៌ស្រស់ថ្លា និងទន់រលោង។

យកទឹកកន្លះពែង, សាច់ប្រទាលកន្ទុយក្រពើ ២ស្លាបព្រា, ទឹកក្រូចឆ្មាកន្លះស្លាបព្រា កិនឲ្យក្លាយជាល្បាយ។ បន្ទាប់មកយកទៅដាក់ក្លាសេឲ្យកក ក្លាយជាទឹកកករាងបួនជ្រុងប៉ុនៗមេដៃ។ ពេលនេះអ្នកអាចចាប់ផ្តើមយកទឹកកកមកម៉ាស្សាឲ្យបាន ២នាទីជារៀងរាល់ថ្ងៃ អ្នកនឹងឆាប់ទទួលបានលទ្ធផលបំផុត។

ផ្លែល្ហុង និងត្រសក់៖ របស់ទាំងពីរនេះសម្បូរទៅដោយអង់ស៊ីម, វីតាមីន និងសារធាតុប្រឆាំង អុកស៊ីតកម្ម ដែលមានឥទ្ធិពលក្នុងការបង្កើនការផលិតស្រទាប់ Collagen ព្យាបាលស្បែកឲ្យមានពណ៌សម្បុរស្រស់ថ្លាឡើងវិញ។

ប្រើល្ហុងទុំ និងត្រសក់ក្នុងបរិមាណស្មើគ្នា យកទៅកិនឲ្យក្លាយជាល្បាយ។ បន្ទាប់មកលាយក្រែកទឹកដោះគោស្រស់ ១ស្លាបព្រា ហើយអនុវត្តនៅលើស្បែក និងមុខរបស់អ្នកតែម្តង។ ទុកឲ្យល្បាយនេះធ្វើសកម្មភាពចំនួន ២០នាទី ទើបលាងជម្រះចេញ។

ទឹកប៉េងប៉ោះ៖ ទឹកប៉េងប៉ោះអាចជួយដោះស្រាយបញ្ហាមួយចំនួននៅលើស្បែកដូចជា កាត់បន្ថយការផលិតសារធាតុ Melanin, ការពារស្បែកពីការបំផ្លាញ់ដោយកាំរស្មី UV និងជួយឲ្យស្បែកមានពណ៌សម្បុរស្រស់ស្អាតឡើងវិញ។

អ្នកគ្រាន់តែពុះយកប៉េងប៉ោះទុំពាក់កណ្តោល, ម្សៅ baking soda ១ស្លាប, ទឹកឃ្មុំ ១ស្លាបព្រា លាយបញ្ចូលគ្នាឲ្យក្លាយជាល្បាយ។ បន្ទាប់មកលាបនៅលើផ្ទៃមុខ ឬស្បែកត្រង់តំបន់ផ្សេង ហើយទុកចំនួន ៥នាទី ទើបលាងសម្អាតចេញ។

រូបមន្តទាំងនេះហើយដែលអាចជួយឲ្យស្បែករបស់សុភាពនារីទាំងមានពណ៌សម្បុរស្រស់ស្អាតតាមបែបធម្មជាតិ។ មិនតែប៉ុណ្ណោះ អ្នកអាចប្រើបានទាំងផ្ទៃមុខ និងដងខ្លួន៕

lighten-skin-naturally