Post News Media ព័ត៌មានសុខភាព របៀបប្រើផ្លែប...

របៀបប្រើផ្លែបឺរសម្រាប់ព្យាបាលបញ្ហាស្បែក និងសក់ខូច

ចែកចាយបន្ត

គ្រប់គ្នាសុទ្ធតែដឹងថា ផ្លែបឺរពិតជាផ្តល់អត្ថប្រយោជន៍យ៉ាងច្រើនសម្រាប់សុខភាព ប៉ុន្តែតើអ្នកដឹងទេ ផ្លែបឺរក៏ជាឱសថសម្រាប់ថែរក្សាសម្រស់ដែរ?
ផ្លែបឺរសម្បូរទៅដោយវីតាមីន ដែលអាចជួយព្យាបាលបញ្ហាស្បែក និងជួសជុលសក់ខូចឲ្យប្រែជារស់រវើកឡើងវិញ។

ផ្លែបឺរ និងទឹកឃ្មុំ សម្រាប់ថែរក្សាស្បែក
– ចាប់ផ្តើមលាយបឺរមួយផ្លែ ជាមួយនឹងទឹកឃ្មុំ ២ស្លាបព្រា។
– បន្ទាប់មកលាងផ្ទៃមុខរបស់អ្នកជាមួយនឹងទឹកក្តៅឧណ្ឌៗ ដើម្បីឲ្យរន្ធញើសបើក។
– យកល្បាយដែលលាយហើយ លាបនៅលើផ្ទៃមុខថ្នមៗ រួចទុកចំនួន ១៥នាទី។
– លាងសម្អាតចេញ ហើយប្រើកន្សែងទន់ដើម្បីជូតឲ្យស្ងួត ពេលនោះអ្នកនឹងឃើញផ្ទៃមុខស្រស់ថ្លាជាងមុន។

ផ្លែបឺរ និងស៊ុត សម្រាប់ព្យាបាលសក់ខូច
– យកផ្លែបឺរមួយផ្លែ លាយជាមួយនឹងស៊ុតលឿងមួយគ្រាប់ ប៉ុន្តែត្រូវបន្ថែមទឹកបន្តិចដើម្បីឲ្យក្លាយជាល្បាយខាប់ៗ។
– មុននឹងចាប់ផ្តើមអ្នកត្រូវលាងសម្អាតសក់របស់អ្នកឲ្យស្អាតជាមុនសិន ទើបប្រើល្បាយនេះម៉ាស្សាឲ្យសព្វស្បែកក្បាល និងសក់។
– ផ្អាប់ទុកចំនួន ២០នាទី ទើបលាងសម្អាតចេញ។

សូមព្យាយាមប្រើវិធីនេះឲ្យបានញឹកញាប់ យ៉ាងហោចណាស់មួយសប្តាហ៍ ៣ដង អ្នកនឹងឆាប់ទទួលបានផលដូចបំណង៕

use-avocado-beauty-care

ចែកចាយបន្ត