Post News Media ព័ត៌មានសុខភាព ៦ផ្នែកនៃសរីរា...

៦ផ្នែកនៃសរីរាង្គមនុស្សប្រុស ដែលងាយនឹងរងគ្រោះបំផុត

ចែកចាយបន្ត

បើទោះបីជាមនុស្សប្រុសមានភាពរឹងមាំជាងមនុស្សស្រីមនុស្សស្រីក៏ពិតមែន ក៏ប៉ុន្តែមានសរីរាង្គមួយចំនួន ឆាប់មានភាពទន់ខ្សោយ ហើយងាយនឹងរងគ្រោះជាងមនុស្សស្រី។

តើសរីរាង្គផ្នែកណាខ្លះ ដែលងាយនឹងរងគ្រោះថ្នាក់ខ្លាំងបំផុត?

១. ក្រពះ
ការជក់បារី និងផឹកស្រា គឺជាទម្លាប់ដ៏អាក្រក់បំផុតសម្រាប់មនុស្សគ្រប់រូប។ កម្រិតនៃជាតិស្រវឹង ឬផ្សែងបារីច្រើនហួសនឹងបង្កឲ្យមានផលប៉ះពាល់យ៉ាងធ្ងន់ធ្ងរដល់ក្រពះ។
បើតាមការសិក្សាមួយបានបង្ហាញថា ហានិភ័យនៃជំងឺក្រពះដែលកើតមានចំពោះបុរស គឺច្រើនជាងមនុស្សស្រី ៦,៥ ដង។

២. ស្បែក
បុរសភាគច្រើនមិនយកចិត្តទុកដាក់ចំពោះការការពារស្បែកពីពន្លឺព្រះអាទិត្យឡើយ។ នេះហើយជាមូលហេតុដែលនាំឲ្យបុរសមួយចំនួនស្លាប់ដោយសារតែជំងឺមហារីកស្បែកខ្ពស់ជាងស្ត្រី ២ដង។
៣. បេះដូង
បច្ចុប្បន្ននេះមនុស្សប្រុសមានជំងឺគាំងបេះដូងខ្ពស់ជាងមនុស្សស្រីរហូតដល់ទៅ ៧-៨ ដង។ ប៉ុន្តែ ដើម្បីបង្កាហានិភ័យនេះនៃជំងឺសរសៃឈាមបេះដូង បុរសគួរតែជៀសវាងទម្លាប់ជក់បារី, ផឹកស្រា និងព្យាយាមរក្សាទម្ងន់ឲ្យបានសមស្រប។

៤. ថ្លើម

ផ្តើមចេញពីការងារ និងតម្រូវការទំនាក់ទំនង ជាញឹកញាប់បុរសតែងជួបជុំគ្នាទទួលទានគ្រឿងស្រវឹង។ ក្នុងមួយថ្ងៃថ្លើមរបស់យើងអាចទទួលជាតិអាកុលបានត្រឹមតែ ៦០ ទៅ ៨០ ក្រាមប៉ុណ្ណោះ ប្រសិនបើលើសពីនេះ វានឹងបង្កឲ្យមានផលប៉ះពាល់ដល់ថ្លើម និងនាំឲ្យមានផលវិបាកធ្ងន់ធ្ងរបន្ថែមទៀត។

៥. មហារីកពោះវៀនធំ
ដោយសារតែតម្រូវការផ្សេងៗពីគ្នា ធ្វើឲ្យរបបអាហារសម្រាប់បុរសមានជាតិខ្លាញ់ និងប្រូតេអ៊ីនច្រើនជាស្ត្រី។ ប៉ុន្តែការសិក្សាជាច្រើនបានបង្ហាញថា ការស្រូបយកជាតិខ្លាញ់ច្រើន និងប្រូតេអ៊ីនច្រើនពេក អាចធ្វើឲ្យមានជំងឺមហារីកពោះវៀនធំ។
ដូច្នេះដើម្បីការបារគ្រោះថ្នាក់ដោយសារតែជំងឺមួយនេះ បុរសគួរតែទទួលទានអាហារដែលសម្បូរទៅដោយជាតិសរសៃ។

៦. ក្រពេញប្រូស្តាត
ការសិក្សាផ្នែកវេជ្ជសាស្ត្របានបញ្ជាក់ថា ចាប់ពីអាយុ ៥០ ឆ្នាំ និងច្រើនជាងនេះ បុរសមានវិបត្តនៃជំងឺក្រពេញប្រូស្តាតដល់ទៅ ៦០%។

susceptible-men

ចែកចាយបន្ត