Post News Media ព័ត៌មានសុខភាព របៀបចម្អិនស៊ុ...

របៀបចម្អិនស៊ុតឲ្យបានត្រឹមត្រូវ ហើយមិនបាត់បង់សារធាតុចិញ្ចឹម

ចែកចាយបន្ត

នៅក្នុងចំណោមកំហុសទាំង ៥យ៉ាងខាងក្រោមនេះ យ៉ាងហោចណស់មាន ១ករណី ដែលមនុស្សភាគច្រើនតែងតែធ្វើខុសក្នុងកំឡុងពេលចម្អិនស៊ុត។ ដូច្នេះ ដើម្បីចម្អិនស៊ុតឲ្យបានត្រឹមត្រូវ និងការពារមិនឲ្យបាត់បង់សារធាតុចិញ្ចឹម អ្នកគួរតែចៀសវាងប្រការទាំងអស់នេះ។

1546982-1476757269460-120-0-462-670-crop-1476757317514

១. ដាក់ចម្អិនស៊ុតនៅពេលទឹកកំពុងតែពុះ
ការដាក់ចម្អិនស៊ុតនៅពេលដែលទឹកកំពុងតែពុះអាចនាំឲ្យបែកសំបក ហើយធ្លាយស៊ុតចេញមកក្រៅ។ មិនតែប៉ុណ្ណោះ ការធ្វើបែបនេះអាចបាត់បង់នូវតម្លៃសារធាតុចិញ្ចឹមថែមទៀត។

ដើម្បីចម្អិនស៊ុតឲ្យបានត្រឹមត្រូវ អ្នកត្រូវចម្អិននៅក្នុងកំសៀវ ហើយបន្ទាប់ពីទឹកពុះត្រូវបន្ថយកម្តៅឲ្យពុះតិចៗចំនួន ៣នាទី។ អនុវត្តវិធីនេះ កម្តៅនៅក្នុងកំសៀវអាចរក្សាបានល្អ ហើយស៊ុតមិនបែកសំបក។

cooking-eggs1

២. មិនបានត្រាំស៊ុតនៅក្នុងទឹកត្រជាក់
ប្រសិនបើអ្នកមិនដាក់ត្រាំស៊ុតក្នុងទឹកត្រជាក់ សីតុណ្ហភាពនៅមានកម្រិតខ្ពស់ដដែល ដូច្នេះស៊ុតនឹងបាត់បង់ប្រូតេអ៊ីន ហើយពិបាកបកសំបកចេញ។

ដូច្នេះហើយ បន្ទាប់ពីស្រង់ស៊ុតចេញពីទឹកក្តៅភ្លាម អ្នកត្រូវត្រាំទឹកត្រជាក់ភ្លាម ទើបអាចការពារសារធាតុចិញ្ចឹមមិនឲ្យបាត់បង់ ហើយងាយស្រួលក្នុងការបក។

cooking-eggs2

៣. ប្រើឆ្នាំងខុសទំហំ
កំហុសដ៏តូចមួយទៀតដែលស្ត្រីមេផ្ទះតែងតែធ្វើ គឺចម្អិនស៊ុតច្រើនគ្រាប់នៅក្នុងឆ្នាំតូចមួយ។ ការប្រើឆ្នាំតូចអាចធ្វើឲ្យកម្តៅមិនស្មើ និងងាយបង្កឲ្យប្រេះបែក។

ផ្ទុយទៅវិញអ្នកគួរតែជ្រើសយកឆ្នាំធំ ហើយការតម្រៀបស៊ុតមិនជាន់លើគ្នា ទើបអាចចម្អិនស៊ុតឆ្អិនបានល្អ។

cooking-eggs3

៤. ចម្អិនស៊ុតយូរពេក
កាលណាអ្នកចម្អិនស៊ុតយូរខ្លាំងពេក ស៊ុតលឿងនឹងប្រែជាពណ៌ប្រផេះ ឬខៀវ ដែលធ្វើឲ្យខូចតម្លៃអាហាររូបត្ថម្ភ។
បែបនេះអ្នកមិនត្រូវចម្អិនស៊ុតយូរពេកនោះទេ អ្នកអាចចម្អិនក្នុងរយ:ពេល ១០(ប្រសិនបើចង់ញ៉ាំស៊ុតជ័រព្នៅ) ឬ ១៥នាទី (ប្រសិនបើចង់ញ៉ាំស៊ុតឆ្អិនល្អ)។
cooking-eggs4

៥. ការបន្ថែមអំបិលពេលដែលស្ងោរស៊ុត
ទោះបីជាវិធីនេះជារឿងធម្មតា ប៉ុន្តែការប្រើអំបិលក្នុងពេលស្ងោរស៊ុតមិនមែនជាជម្រើសល្អបំផុតនោះឡើយ។

ប្រសិនបើអ្នកចង់ឲ្យស៊ុតទន់ ហើយមានរសជាតិឆ្ងាញ់ នៅពេលដែលអ្នកស្ងោរស៊ុតជិតឆ្អិនសូមបន្ថែមទឹកខ្មេះ ១ស្លាបព្រា ហើយកូរឲ្យសព្វ រយ:ពេល ៣ ទៅ ៤នាទីក្រោយ ទើបលើកចេញ៕

cooking-eggs5