ដឹងទេ! ពេលហូរ...

ដឹងទេ! ពេលហូរឈាមច្រមុះ គួរឱនក្បាលចុះ ឬងើយឡើងលើ?

ចែកចាយបន្ត

បរទេសៈ នៅពេលដែលមានការហូរឈាមតាមច្រមុះ មនុស្សភាគច្រើនតែងតែងើយក្បាលឡើងលើ ដើម្បីឃាត់ឈាមកុំឲ្យហូរមកកាន់តែខ្លាំង។ ប៉ុន្តែសកម្មភាពបែបនេះផ្តល់គុណវិបត្តិយ៉ាងធ្ងន់ធ្ងរ ហើយអាចប៉ះពាល់ដល់សុខភាពថែមទៀត។

អ្នកជំនាញបាននិយាយថា សកម្មភាពដែលងើយក្បាលឡើងលើ អាចបង្កឲ្យឈាមច្រាលចូលទៅក្នុងបំពងអាហារ ហើយកាន់តែគ្រោះថ្នាក់ជាងនេះទៅទៀត ប្រសិនបើអ្នកបានលេបឈាមទាំងនោះ វានឹងធ្វើឲ្យឈឺពោះ ឬចង់ក្អួត។

មិនតែប៉ុណ្ណោះ អ្នកមិនត្រូវយកដៃខ្ទប់ច្រមុះដើម្បីឃាត់ឈាមនោះឡើយ ព្រោះវាបណ្តោលឲ្យហូរឈាមកាន់តែច្រើន និងមានហានិភ័យនៃការហូរឈាមចូលទៅក្នុងបំពងកកាន់តែខ្លាំង។

វិធីសាស្ត្រដែលត្រឹមត្រូវ នៅពេលមានឈាមហូរតាមច្រមុះ
នៅពេលមានឈាមហូរតាមច្រមុះ រឿងដំបូងដែលអ្នកត្រូវធ្វើគឺ អង្គុយចុះ ហើយឱនក្បាលបន្តិច រួចយកម្រាមដៃចុកលើចម្រុះដែលហូរឈាម (ប្រសិនបើច្រមុះហូរឈាមតែម្ខាង)។

ប្រើកន្សែង ដើម្បីសម្អាតឈាមដែលហូរមក តែប្រសិនបើឈាមហូរមិនឈប់ចាប់ពី ៥ ទៅ ១០នាទី ត្រូវប្រញាប់ទៅមន្ទីរពេទ្យភ្លាម។

មូហេតុលដែលបណ្តោលឲ្យហូរឈាមតាមច្រមុះ
– ឈាមក្តៅ
– ច្រមុះធ្លាប់មានរងរបួស
– ជំងឺកំណកឈាម ឬសម្ពាធឈាមឡើងខ្ពស់
– ការចុះរន្ធច្រមុះ
– ខ្យល់ដង្ហើមស្ងួត កម្រិតសំណើមទាប

រឿងដែលអ្នកមិនគួរធ្វើ បន្ទាប់ពីហូរឈាមតាមច្រមុះ
– ដាក់សំឡីរុំនៅក្នុងច្រមុះ៖ ជាធម្មតាយើងគិតថា ការរុំសំឡីដាក់ចូលក្នុងច្រមុះនឹងជួយទប់ឈាមមិនហូរ។ ប៉ុន្តែគ្រូពេទ្យមិនបានផ្តល់អនុសាសន៍បែបនេះឡើយ ព្រោះរបស់ដែលដាក់ចូលមិនធានាថា គ្មានមេរោគទេ ជាពិសេសនៅពេលដែលវាមានទំនាក់ទំនងផ្ទាល់ជាមួយនឹងភ្នាសនៃច្រមុះ។
– កុំប្រើទឹកអំបិល៖ ការបាញ់ទឹកអំបិលចូលក្នុងច្រមុះ មិនមែនជាដំណោះស្រាយល្អនោះទេ ថ្វីបើវាអាចផ្សើមច្រមុះភ្លាមៗ ប៉ុន្តែមិនយូរទេវានឹងស្ងួតទៅវិញកាន់តែខ្លាំង។

យកល្អ អ្នកគួរតែព្យាយាមបរិភោគទឹកឲ្យបានច្រើន និងបញ្ចូលជាតិសរសៃទៅក្នុងរបបអាហារជាប្រចាំ ដើម្បីកាត់បន្ថយអាការៈហូរឈាមតាមច្រមុះ៕

nosebleeds

ចែកចាយបន្ត