អស្ចារ្យយ៉ាងន...

អស្ចារ្យយ៉ាងនេះ! សំបកស៊ុតជួយឲ្យស្បែកមុខម៉ដ្ឋរលាង

ចែកចាយបន្ត

បរទេសៈ យើងគ្រប់គ្នាធ្លាប់ដឹងហើយថា ស៊ុតស និងស៊ុតលឿង គឺជាប្រភពនៃប្រូតេអ៊ីន ព្រមទាំងវីតាមីនដែលរាងកាយត្រូវការជាចាំបាច់។ ប៉ុន្តែ តើអ្នកដឹងទេ? សូម្បីតែសំបករបស់វាក៏មានគុណប្រយោជន៍ដែរ។

សំបកស៊ុតមួយគ្រាប់មានផ្ទុកជាតិកាល់ស្យូមចាប់ពី ៧៥០ ទៅ ៨០០ មីលីក្រាម ដែលអាចជួយជំរុញដល់ការលូតលាស់នៃកាសិកាថ្មី កាត់បន្ថយស្នាមជាំ និងធ្វើឲ្យស្បែកម៉ដ្ឋរលាង។

ជាពិសេសប្រើសិនបើសំបកស៊ុតត្រូវបានលាយបញ្ចូលជាមួយនឹងធាតុផ្សំផ្សេងទៀត គឺកាន់តែមានប្រសិទ្ធភាព ហើយអាចរក្សាសំណើមដល់ស្បែកបានយ៉ាងល្អ។

ជំហ៊ានទី១
លាងសម្អាតសំបកស៊ុតជាមួយនឹងទឹកក្តៅ រួចហាលនៅក្រោមពន្លឺព្រះអាទិត្យឲ្យស្ងួតល្អ។ បន្ទាប់មកកិនឲ្យក្លាយទៅជាម្សៅ។

ជំហ៊ានទី២
បន្ថែមទឹកក្រូឆ្មា ២-៣ ដំណក់ ទឹកឃ្មុំមួយស្លាបព្រាកាហ្វេ និងទឹកដោះគោជូរមួយស្លាព្រាកាហ្វេ លាយបញ្ចូលគ្នាឲ្យសព្វ។

ជំហ៊ានទី៣
លាងសម្អាតផ្ទៃមុខរបស់អ្នកឲ្យបានស្អាត រួចជូតផ្ទៃមុខឲ្យស្ងួតល្អ ប៉ុន្តែកុំត្រដុសខ្លាំងពេកនាំឲ្យស្បែករលាត់។

ជំហ៊ានទី៤

ប្រើជក់ជ្រលក់ក្នុងល្បាយនេះ រួចអនុវត្តថ្នមៗឲ្យពេញផ្ទៃមុខទាំងមូល។ ទុកឲ្យល្បាយធ្វើសកម្មភាពរយៈពេល ១៥ ទៅ ២០នាទី នៅពេលដែលស្ងួតហើយត្រូវលាងសម្អាតជាមួយនឹងទឹកក្តៅឧណ្ឌៗ។

ជំហ៊ានទី៥
លាងសម្អាតផ្ទៃមុខជាមួយនឹងទឹកត្រជាក់ម្តងទៀត ដើម្បីបង្រួមរន្ធញើសឡើងវិញ និងដាស់ស្បែកឲ្យមានភាពបត់បែន៕

eggshells-skintone

ចែកចាយបន្ត