ប្រើឧបករណ៍ពត់...

ប្រើឧបករណ៍ពត់ធ្មេញ ប្រយ័ត្នកើតជំងឺមហារីកក្នុងមាត់!

ចែកចាយបន្ត

បរទេសៈ អ្នកវិទ្យាសាស្ត្រផ្នែកទន្តពេទ្យនៅសាកលវិទ្យាល័យ Buenos Aires បានអះអាងថា ការប្រើឧបករណ៍ពត់ធ្មេញអាចប្រឈមនឹងផលវិបាកធ្ងន់ធ្ងរប៉ះពាល់ដល់ជីវិត។ ដូចជាករណីអ្នកជំងឺម្នាក់ដែលមានវ័យ ៣១ឆ្នាំ ត្រូវបានធ្វើរោគវិនិច្ឆ័យឃើញថា មានដំពកមហារីក បន្ទាប់ពីគាត់ចេះតែមានការឈឺចាប់ធ្ងន់ធ្ងរនៅក្នុងមាត់។

ដោយសារតែភាពងឿងឆ្ងល់គ្រូពេទ្យបានធ្វើការតាមដានយ៉ាងហ្មត់ចត់មួយរយៈក្រោយមកបានសង្កេតឃើញ ធ្មេញរបស់គាត់មានសភាពរង្គី ឬឈឺចាប់ជាខ្លាំង។ ជាពិសេសពួកគេបានកត់សម្គាល់ឃើញមានលោហៈធាតុនៅក្នុងដុំសាច់។

គួរឲ្យស្តាយករណីនេះមិនអាចព្យាបាលបានជោគជ័យឡើយ ហើយមហារីកចេះតែរីករាលដាលនៅក្នុងមាត់របស់គាត់ ប៉ុន្តែក្រុមគ្រូពេទ្យនៅតែព្យាយាមបន្តស្រាវជ្រាវបន្ថែមទៀត ដើម្បីរកដំណោះស្រាយ។

អ្នកជំនាញបានធ្វើការសន្និដ្ឋានថា ការប្រើឧបករណ៍ពត់ធ្មេញមិនល្អសម្រាប់សុខភាពនោះទេ លើសពីនេះអ្នកគួរតែរក្សារបបអាហារឲ្យមានតុល្យភាព ខណៈដែលពាក់ឧបករណ៍នេះនៅលើធ្មេញ ដើម្បីធានាបាននូវសុវត្ថិភាពចំពោះលោហៈធាតុទាំងនេះ។

ប៉ុន្តែប្រសិនបើអ្នកចង់ពត់ធ្មេញឲ្យត្រង់ស្អាត គួរតែទៅរកអ្នកដែលមានបទពិសោធន៍ និងជំនាញច្បាស់លាស់ ហើយអនុវត្តតាមការណែនាំទៀត ទើបជាការប្រសើរ៕

used-braces

ចែកចាយបន្ត