Post News Media ព័ត៌មានអន្តរជាតិ ក្រុមបាតុករបី...

ក្រុមបាតុករបីប្រទេស តវ៉ាប្រឆាំងមីយ៉ាន់ម៉ា ឲ្យបញ្ចប់ការគាបសង្កត់លើពួកជនជាតិដើមភាគតិចរ៉ូហ៊ីងយ៉ា

ចែកចាយបន្ត

បរទេស: នៅថ្ងៃសុក្រនេះ ក្រុមបាតុករនៅប្រទេសម៉ាឡេស៊ី ឥណ្ឌូនេស៊ី និងថៃ បានប្រមូលផ្តុំគ្នាធ្វើការតវ៉ា នៅឯស្ថានទូតមីយ៉ាន់ម៉ា ប្រចាំនៅក្នុងប្រទេសរបស់ពួកគេ ដើម្បីទាមទារឲ្យបញ្ចប់ការគាបសង្កត់លើពួកជនជាតិដើម ភាគតិចរ៉ូហ៊ីងយ៉ាម៉ូស្លីម។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៦។

បើតាមមន្ត្រីអង្គការសហប្រជាជាតិ បានឲ្យដឹងថា អំពើហិង្សាកាន់តែធ្ងន់ធ្ងរ ដែលបានសម្លាប់មនុស្សយ៉ាងហោចណាស់ ៨៦នាក់ និងបានជម្លៀសជនជាតិភាគតិចទាំងនោះ ចេញពីប្រទេសចំនួន ៣០.០០០ នាក់ ក្នុងនោះដែរ ទាហានមីយ៉ាន់ម៉ា ត្រូវបានចោទប្រកាន់ពីបទបង្ខំរួមភេទស្ត្រីក្រុមជនជាតិភាគតិចរាប់សិបនាក់ ក្នុងសហគមន៏រ៉ូហ៊ីងយ៉ា។

នៅទីក្រុងកូឡាឡាំពួរបាតុករ បានចូលរួមជាមួយអង្គការមិនមែនរដ្ឋាភិបាលម៉ូស្លីមរ៉ូហ៊ីងយ៉ារាប់រយនាក់ ដោយបានធ្វើការតវ៉ាប្រឆាំងលើបញ្ហានេះ ខណ:ដែលក្រុមបាតុករនៅទីក្រុងហ្សាការតា បានប្រមូលផ្តុំគ្នានៅមុខស្ថានទូតមីយ៉ាន់ម៉ា ចំណែកឯនៅទីក្រុងបាងកកវិញ តំណាងក្រុមអ្នកតវ៉ាដែលបានមកពី ក្រុមមូស្លីមជាង២០ នាក់ បានដាក់ញាត្តិមួយទៅឱ្យមន្ត្រីស្ថានទូតមីយ៉ាន់ម៉ាផងដែរ ដើម្បីអំពាវនាវឱ្យបញ្ចប់អំពើហិង្សានេះ៕

រូបភាពទី១ បាតុករនៅឥណ្ឌូនេស៊ី

Indonesia

រូបភាពទី២ បាតុករនៅថៃ

thai

រូបភាពទី២ បាតុករនៅម៉ាទ្បេស៊ី

Malaysia

ចែកចាយបន្ត