ឥណ្ឌូនេស៊ី : នាវិកឥណ្ឌូនេស៊ីម្នាក់ បានប្រាប់ឲ្យដឹងពីរបៀប ដែលពួកសកម្មប្រយុទ្ធអ៊ីស្លាម ក្នុងប្រទេសហ្វីលីពី បានគំរាមវះទម្លុះបំពង់ករបស់គាត់ ក្នុងអំឡុងពេលនៃការចាប់ជំរិតដ៏រន្ធត់ មុនមួយថ្ងៃ បន្ទាប់ពីគាត់ និងសមាជិកនាវិកចំនួន ៩នាក់ផ្សេងទៀត ត្រូវបានដោះលែងចេញ។ នេះបើយោងតាមរយៈ សារព័ត៌មានសិង្ហបុរី ចេញផ្សាយនៅព្រឹកថ្ងៃទី៣ ខែឧសភា ឆ្នាំ២០១៦។
ក្រុមនាវិកទាំងនេះ ត្រូវបានដោះលែងឲ្យមានសេរីភាព ក្រោយពីមានជម្លោះនៅភាគខាងត្បូងប្រទេសហ្វីលីពីន ដែលពួកគាត់ត្រូវបានចាប់ជំរិត ដោយពួកសកម្មប្រយុទ្ធ Abu Sayyaf ជាងមួយខែ ហើយខណៈពេល ពួកគាត់ត្រូវបានវិលត្រឡប់មកទីក្រុងហ្សាការតាវិញហើយ។
គួរបញ្ជាក់ផងដែរ ឥណ្ឌូនេស៊ីស្ថិតក្នុងចំណោមជនបរទេសប្រហែល ២០នាក់ហើយ ដែលមានការរីកដុះដាលនៃការចាប់ជំរិត នៅប៉ុន្មានថ្ងៃបន្ទាប់ពីពួកសកម្មប្រយុទ្ធ បានកាត់ក្បាលចំណាប់ខ្មាំងប្រទេសកាណាដា៕