កណ្តាល: ក្នុងរយៈពេលប្រមាណជាងកន្លះម៉ោង អគ្គិភ័យបានថមថយហើយ គ្រាដែលសមត្ថកិច្ច បានប្រើឡានទឹក ប្រមាណជា ១០គ្រឿង។

ខណៈដែល អំណាចអគ្គិភ័យ បាននិងកំពុងឆាបឆេះ ផ្សារក្រុងតាខ្មៅចាស់ ស្នូរសំឡេងធុងហ្គាស បានផ្ទុះបន្លឺឡើង រហូតដល់ធ្វើឱ្យមនុស្សម្នារ មិនហ៊ានចូលទៅក្បែរ ប៉ុន្តែពេលនោះ ក៏មានសេចក្តីរាយការណ៍មកថា មានមនុស្សម្នាក់ បានជាប់ទីនោះ ក្រោយមកក៏ត្រូវបានគេជួយសង្គ្រោះ និងធ្វើការដឹកបញ្ជូនទៅកាន់មន្ទីរពេទ្យ។

ប៉ុន្តែនៅកន្លែងកើតហេតុ រថយន្តម៉ាក ព្រូស ១គ្រឿង ត្រូវបានអំណាចអគ្គិភ័យឆាបឆេះ រោលរាល ស្ទើរអស់តួរទាំងស្រុង ក្រោយមកមានរថយន្ត ២គ្រឿងបន្ថែមទៀត ក៏ត្រូវអគ្គិភ័យឆេះផងដែរ។

តាមសេក្តីរាយការណ៍ បន្តទៀតថា នៅពេលដែលអគ្កិភ័យ បានចាប់ផ្តើមឆាបឆេះ នៅរសៀលថ្ងៃទី០៤ ឧសភានេះ រថយន្តអគ្គិភ័យ នៅក្នុងខេត្តកណ្តាល មួយចំនួន ហាក់អន្តរាគមន៍ យឺតយ៉ាវ បន្ទាប់ពីរថយន្តពន្លត់អគ្គិភ័យ របស់នរគបាលក្រុងភ្នំពេញ បានចេញមកអន្តរាគមន៍បន្ថែម។

ទោះជាយ៉ាងណា មិនទាន់មានសេចក្តីរាយការលម្អិត ពីមូលហេតុនៅឡើយទេ រហូតមកដល់ពេលនេះ៕