Post News Media ព័ត៌មានអន្តរជាតិ ខ្យល់កួចវាយប្...

ខ្យល់កួចវាយប្រហារនៅឥណ្ឌូនេស៊ី បំផ្លាញផ្ទះជិត ៣០០ ខ្នង ស្លាប់ និងរបួស ១២ នាក់

ចែកចាយបន្ត

ឥណ្ឌូនេស៊ី: អ្នកនាំពាក្យទីភ្នាក់ងារគ្រោះមហន្តរាយជាតិ លោក Suptopo Purwo Nugroho នៅព្រឹកថ្ងៃសុក្រនេះ បានឲ្យដឹងថា គ្រោះធម្មជាតិខ្យល់កួច បានវាយប្រហារនៅខេត្ត Yogyakarta និង East Java ក្នុងប្រទេសឥណ្ឌូនេស៊ី ដោយបានបណ្តាលឲ្យមនុស្ស ២នាក់បាត់បង់ជីវិត និង ១០ នាក់ទៀតរងរបួស ខណ:ដែលផ្ទះជិត ៣០០ ខ្នង ត្រូវបានបំផ្លាញ និងហេដ្ឋារចនាសម្ព័ន្ធ រងការខូចខាត។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៦ ខែមករា ឆ្នាំ២០១៧។

ខ្យល់កួចដ៏ខ្លាំងនេះ បានកាត់ផ្ដាច់ប្រព័ន្ធអគ្គិសនី និងដួលរលំដើមឈើជាច្រើន នៅក្នុងស្រុក Sleman និងស្រុក Jember ។

ពាក់ព័ន្ធនឹងគ្រោះមហន្តរាយនេះដែរ ទីភ្នាក់ងារមន្ត្រីគ្រោះមហន្តរាយក្នុងតំបន់ មិនទាន់អាចធ្វើការវាយតម្លៃពីផលប៉ះពាល់បាននៅទ្បើយទេ៕