Post News Media ព័ត៌មានអន្តរជាតិ អាមេរិក កំពុង...

អាមេរិក កំពុងលូកដៃចូលជម្លោះរវាងមហាយក្សអាស៊ី និងមហាអំណាចសេដ្ឋកិច្ចទី៣

ចែកចាយបន្ត

អាមេរិក: កងទ័ពជើងទឹកអាមេរិកនឹងបញ្ជូនយន្តហោះ បំពាក់ដោយប្រព័ន្ធរ៉ាដាកម្រិតខ្ពស់ ដែលអាចចាប់បានការ ហោះហើររបស់យន្តហោះចម្បាំង ទៅកាន់ប្រទេសជប៉ុន បន្ទាប់ពីចិនផលិតបានសម្រេចនូវយន្តហោះ ដែលអាចគេចចេញពីប្រព័ន្ធរ៉ាដាបាន។ នេះបើតាមសារព័ត៌មាន CNNចេញផ្សាយនៅថ្ងៃទី០៦​ ខែមករា ឆ្នាំ២០១៧។

មូលដ្ឋានកងទ័ពជើងទឹកអាមេរិក បានឲ្យដឹងថា យន្តហោះរបស់អាមេរិក E-2D Advance
Hawkeye ដែលមានសមត្ថិភាពខ្ពស់ អាចចាប់បានការហោះហើរលើអាកាសទាំងអស់ នឹងត្រូវបញ្ជូនទៅស្ថានីយ៍ម៉ារីនអាកាសចរអាមេរិក នៅក្នុងកោះ Iwakuni ប្រទេសជប៉ុន នៅខែកុម្ភ:ខាងមុខ។

យោងតាមអ្នកវិភាគអាមេរិក បានឲ្យដឹងថា កងទ័ពជើងទឹកអាមេរិក នឹងដាក់ពង្រាយ យន្តហោះ Hawkeyeគឺជាផ្នែកមួយនៃ ផែនការដើម្បីគាំទ្រដល់ការប្តេជ្ញាចិត្តរបស់សហរដ្ឋអាមេរិក ក្នុងការការពារសន្តិសុខប្រទេសជប៉ុន និងស្ថិរភាពក្នុងតំបន់នេះ បន្ទាប់ជប៉ុនមានជម្លោះរឿងបណ្តុំកោះ នៅសមុទ្រចិនខាងកើត ដែលមានសក្តានុពលផ្នែក ផ្លូវដឹកជញ្ជូនសំខាន់ អំណោយផលផ្នែកការនេសាទ និងសម្បូរដោយប្រេង និងឧស្ម័នផ្សែង៕